Kushtetuesja rrëzon 'Rithemelimin', refuzon pezullimin e ligjit për Komisionet Hetimore

Kushtetuesja rrëzon 'Rithemelimin', refuzon pezullimin e ligjit për Komisionet Hetimore

Me shumicë votash Gjykata Kushtetuese ka vendosur të rrëzojë kërkesën e 33 deputetëve të Rithemelimit për pezullimin e ligjit për komisionet hetimore.

Sipas gjykatës kërkesa e deputetëve të Rithemelimit nuk plotëson kriteret e nenit 45  të ligjit në lidhje me pasojat e pariparueshme dhe urgjencën në kushtet kur gjykata ka pranuar kërkesën për përshpejtim dhe gjykimi për themelin e çështjet, pritet të përfundojë së shpejti.

"Në lidhje me kërkesën për pezullimin e zbatimit të ligjit nr. 106, datë 21.12.2023 “Për disa shtesa dhe ndryshime në ligjin nr. 8891, datë 02.05.2002 “Për organizimin dhe funksionimin e komisioneve hetimore të Kuvendit”, Gjykata, pasi dëgjoi pretendimet e palëve në seancë plenare, vlerësoi se kërkesa për pezullimin e zbatimit të ligjit nuk plotëson kriteret e përcaktuara në nenin 45 të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, në lidhje me pasojat e pariparueshme dhe urgjencën, në kushtet kur Gjykata ka pranuar kërkesën e kërkuesit për përshpejtim dhe gjykimi për themelin e çështjes pritet të përfundojë së shpejti.

Për sa më sipër, trupa e gjyqtarëve të Gjykatës Kushtetuese, me shumicë votash,VENDOSI: Rrëzimin e kërkesës për pezullimin e zbatimit të ligjit nr. 106, datë 21.12.2023 “Për disa shtesa dhe ndryshime në ligjin nr. 8891, datë 02.05.2002 “Për organizimin dhe funksionimin e komisioneve hetimore të Kuvendit", njofton Kushtetuesja.

Opozita e dërgoi më 1 mars këtë ligj në Gjykatën Kushtetuese pasi sipas saj është anti-kushtetues dhe kufizonte të drejtën e saj ligjore për të kontrolluar ekzekutivin. Por ndërkohë ka pranuar që dy komisionet hetimore që mori në këmbim të paqes në Kuvend, ai i TIMS dhe i Koncesioneve në shëndetësi, të vijojnë punën me ligjin e ri.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni urdhrin për heqjen e pushimeve verore për policët?



×

Lajmi i fundit

Vlorë/ Makina përplas 83-vjeçarin, i moshuari dërgohet drejt traumës në Tiranë

Vlorë/ Makina përplas 83-vjeçarin, i moshuari dërgohet drejt traumës në Tiranë