Braimllari akuza Niko Peleshit: Po i shkon derë më derë përfaqësuesve dhe njerëzve të LSI në Korçë duke i kërkuar votën

Kandidati i LSI-së në Korçë, Endrit Braimllari, ka hedhur akuza ndaj Niko Peleshit, i cili kandidon për PS-në po në këtë qark, se ka komunikuar me përfaqësues të LSI-së, duke i kërkuar votën. Në një deklaratë për mediat, Braimllari tha se Peleshi "është trembur nga mbështetja e jashtëzakonshme për LSI" dhe se i ka kërkuar qytetarëve votën personale, jo për PS, por për atë vetë.

"Kam një mesazh shumë të qartë për Niko Peleshin, i cili në panik, i trembur, në ankth nga rritja e jashtëzakonshme e LSI në Qarkun e Korçës, është turrur duke marrë në telefon përfaqësues dhe njerëz të LSI. Po ja them shume qartë, të rinjtë dhe të rejat e LSI, as nuk shiten, e as nuk blihen. Kjo parti e ka emrin LSI dhe jo Rilindje, ndaj i kapur në panik nga mbështetja e jashtëzakonshme që socialistët e ndershëm po i bëjnë LSI, ky njeri ka turrur drejtorët e tij, hajdutë e batakçinj, duke shkuar derë më derë dhe duke ju kërkuar votën personale, jo për PS, por për Niko Peleshin", tha Braimllari.

Ai i bëri më tej thirrje qytetarëve që të votojnë LSI-në.

"Ndaj ju kërkoj që më 25 Prill të mbështesni masivisht LSI, sepse keni përballë dy modele, një model klientelist të Niko Peleshit, i cili po punon për interesin e tij personal dhe jo për t'i ‘ shërbyer qytetarëve të Korçës, e nga ana tjetër modelin e LSI, e një ekipi të jashtëzakonshëm, me energji pozitive, i cili punon për frymën e ekipit, për t’i shërbyer Korçës, për ta bërë Korçën Shtëpinë Tonë. Niko Peleshi të bëjë kujdes, ai dhe hajdutët e tij, sepse pas 25 Prillit, gjithçka do të jetë personale, më 25 Prill Rilindja është në opozitë dhe socialistet e ndershëm kane një siguri për të ardhmen e tyre dhe fëmijëve të tyre, që është LSI", shtoi Braimllari.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Atentat avokatit në Memaliaj, i shpëton breshërisë së kallashnikovit!

Atentat avokatit në Memaliaj, i shpëton breshërisë së kallashnikovit!