POP 5

Lajmet më të lexuara të 5 minutave të fundit

Politikë

Bregu: Koalicioni i pazareve luan
bllof me 3 ligjet, ftoj t’i votojnë

Ministrja e Integrimit Europian, Majlinda Bregu deklaroi sot se, “koalicioni i pazareve, i gjendur në pikën më të lartë të amoralitetit përballë elektoratit të vet dhe gjithë shqiptarëve, po vazhdon të luajë bllofin me 3 ligjet e integrimit”. Ndërsa ftoi koalicionin e majtë të votojnë tre ligjet.
Bregu: Koalicioni i pazareve luan <br />bllof me 3 ligjet, ftoj t’i votojnë
TIRANE- Ministrja e Integrimit Europian, Majlinda Bregu deklaroi sot se, “koalicioni i pazareve, i gjendur në pikën më të lartë të amoralitetit përballë elektoratit të vet dhe gjithë shqiptarëve, po vazhdon të luajë bllofin me 3 ligjet e integrimit”.

Ministria e Integrimit Europian, Majlinda Bregu, akuzoi Partinë Socialiste dhe aleatët e saj se po bëjnë bllofin me 3 ligjet, duke penguar integrimin europian të vendit.

Në një deklaratë për mediat, Bregu tha se, “pa asnjë ide, pa asnjë projekt dhe pa asnjë kauzë të shëndetshme, dyshja e koalicionit të pazareve po kërkon një komardare shpëtimi nga anija që po mbytet, e që askush nuk e di se kë ka për kapiten”.

Bregu tha se me bllokimin e integrimit të vendit, Partia Socialiste u ka hequr fermerëve mundësinë e përdorimit të miliona euro subvencionime.

“Duke e ditur shumë mirë, se nuk kanë sy e faqe t’u dalin përpara fermerëve, të cilëve, me bllokimin për tre vjet e 230 ditë të statusit, u hoqën miliona euro subvencione; t’u dalin përpara studentëve që u mohuan qindra bursa studimi për në BE; t’i dalin përpara biznesit që i mohuan mundësinë e miliona eurove kreditim; duke mos patur sy e faqe t’u dalin përpara mjekëve e mësuesve shqiptarë, që u hoqën mundësinë për qindra kualifikime në vendet e Bashkimit Europian; duke mos patur sy e faqe t’u kërkojnë falje të gjithë shqiptarëve për këto tre vjet e 230 ditë pengmarrje të ëndrrave dhe prosperitetit të tyre, kjo dyshe ka paturpësinë dhe pafytyrësinë të vazhdojë me tallje dhe bllofe, sikur janë ata të interesuarit e mëdhenj të votimit të 3 ligjeve të integrimit”, u shpreh Bregu.

Sipas saj, shqiptarët kanë vetëm këtë vit, 230 ditë që e shohin se Partia Demokratike dhe Qeveria shqiptare i kanë bërë me qindra apele, ditë pas dite dhe orë pas ore, koalicionit të pazareve, për t’i votuar 3 ligjet, kur të duan dhe si të duan.

Ministrja nënvizoi se, “janë jo vetëm shqiptarët, por edhe ndërkombëtarët që kanë parë e dëgjuar gjatë këtyre tre vjetëve e 230 ditëve pretekste dhe justifikime absurde të njëpasnjëshme të opozitës, që edhe pse kanë rënë njëra pas tjetrës, nuk e bindën kurrë opozitën në parlament, për të votuar 3 ligjet”.

Ndërkaq Ministrja e Integrimit ftoi opozitën të lërë “pazaret në kurriz të shqiptarëve” dhe “pasi t’i kërkojë publikisht falje qytetarëve për dëmin e madh që u ka bërë imazhit, mirëqënies dhe prosperitetit të tyre, këto tre vjet e 7 muaj, Edi Rama duhet t’i sjellë të tijtë në parlament dhe t’i votojë 3 ligjet, për të ndihmuar jo vetëm shqiptarët, por për të çliruar edhe vetveten nga sindroma e bllokimit dhe shtrëngicës politike, që po e detyron të futet në këto zgjedhje vetëm me një platformë: atë të bllofeve, farsave e barsoletave”.

Redaksia Online
(e.s/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Grupi i deputetëve italianë përfundon vizitën në Shqipëri: Krah jush drejt BE-së! Përfshihuni në debatet brenda unionit

Grupi i deputetëve italianë përfundon vizitën në Shqipëri: Krah jush drejt BE-së! Përfshihuni në debatet brenda unionit

27 Nëntor, 17:40 nga Arlind Isa