POP 5

Lajmet më të lexuara të 5 minutave të fundit

Sociale

Breshëri shkatërron prodhimet në Kozare! Fermerëve u shkon mundi dëm: Kërkojmë ndihmë, s’kemi të ardhura

U deshën vetëm disa minuta që puna dhe investimet e një viti të kryera në bujqësi nga banorët e gjashtë fshatrave të njësisë administrative Kozare, të shkojnë dëm nga breshëri.

U deshën vetëm disa minuta që puna dhe investimet e një viti të kryera në bujqësi nga banorët e gjashtë fshatrave të njësisë administrative Kozare, të shkojnë dëm nga breshëri.

Banorët shprehen se breshëri ka shkatërruar prodhimet e stinës dhe ka lënë poasoja kryesisht në kulturën e ullinjve edhe për vitet e ardhshme.

Fermerët tregojnë dëmet e shkaktuara, ndërkohë që kërkojnë ndihmën e shtetit për vlerësimin e dëmit, pasi këtë vit ata mbeten praktikisht pa bukë.

“Breshëri i rënë një natë më parë, na ka shkaktuar dëme të mëdha në bujqësi kryesisht në kulturën e ullirit. Mua më janë dëmtuar rreth 1 ha e gjysmë ullinj, kokrrat e të cilit në këtë moment janë në fazën e parë. Dëmtimi është jo vetëm në prodhim, por edhe në pemën e ullirit duke sjellë pasoja për një vitet e ardhshme. Duhen krasitur dhe kjo do të thotë që vitin e ardhshëm nuk do kemi prodhim. Si familje ne jetojmë vetëm në sajë të prodhimeve bujqësore, kryesisht me kulturën e ullirit. Unë i bëj apel qeverisë të na ndihmojë pasi nuk kemi asnjë të ardhur. Kjo është e gjitha çfarë në kemi, ndaj lutemi që të na ndihmojnë. Gjithë çfarë kemi bërë pa llogaritur krahun e punës, plehrat, krasitja ujitja, gjithçka e përkthyer në lekë dëm shkon në 10-15 milion. Me këtë mbaj familjen jo vetëm unë,  por gjithë fshati. I bëjmë thirrje instancave shtetërore të na ndihmoj aq sa është e mundur”, tha fermeri Xhevat Shtëpënja.

Dëmtimin më të madh në këtë zonë e ka marre kultura e ullirit, e cila është në fazat e para të prodhimtarisë.

“Edhe unë jam dëmtuar nga reshjet e breshërit, kam 200 rrënjë ullinj që janë shkatërruar. Deri më sot nuk kam marrë asnjë gjë nga shteti, jam shumë i pakënaqur nga premtime qe thonë do ndihmojmë fermerët. Për mua e vetmja e ardhur që kam është bujqësia dhe jam mosbesuese ndaj qeverisë, megjithëse lusim të na ndihmojmë. Dëmi na erdhi nga breshëri, nga natyra por kërkojmë ndihmë sepse s’kemi të ardhura”, u shpreh Nazmi Çela, një tjetër fermer.

M.T/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kasem Gahinji: 01/10/2023 10:58

    Nuk eshte faji i qeverise se Ra bresheri.Siguroni prodhimit,Pra beni sigurimit vjetor te prones tuaj dhe prodhimit.Shteti mund tu jape vetem ndihme humanitare ,por Jo demshperblim se i vini zjarrin terreni apo se bije bresher.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46