Plani i kryeministres britanike, Theresa May për të marrë një marrëveshje për Brexit nëpërmjet parlamentit mund të rrezikonte aftësinë e Britanisë së Madhe për të arritur një pakt tregtar me Shtetet e Bashkuara të Amerikës.
Kështu është deklaruar së fundi presidenti amerikan Donald Trump duke paralajmëruar se marrëveshja e arritur në maj e kryeministres May me Bashkimin Europian, për tërheqjen e Mbretërisë së Bashkuar nga blloku i BE-së mund të dëmtonte marrëdhëniet tregatare nëse plani për Brexit ecën përpara.
Në një deklaratë të dhënë të hënën pwr gazetarët jashtë Shtëpisë së Bardhë "Tani për tani, nëse shikoni marrëveshjen, Britania e Madhe mund të mos jetë në gjendje të tregtojë me ne dhe kjo nuk do të ishte një gjë e mire” , ka thënë presidenti amerikan Donald Trump, raporton BBC.
Aktualisht kryeministrja Britanike po ballafaqohet me skepticizëm të gjerë brenda rradhëve të partisë së vet konservatore dhe më gjerë në lidhje me kushtet e marrëveshjes.
Më herët Kryeministrja britanike ka thënë se marrëveshja është "shumë e qartë" dhe se tërheqja e Britanisë e Madhe do të sjellë një të ardhme të ndritur për Britaninë, e cila do të jetë në gjendje të nënshkruajë marrëveshje tregtare me vendet anembanë botës.
Marrëveshja e ndarjes mes Britanisë së Madhe dhe Bashkimit Evropian parashikon një fazë kalimtare deri në fund të vitit 2020, dhe rregullon të drejtat e qytetarëve nga të dyja anët, kërkesat financiare ndaj Londrës dhe çështjen e kufirit për çështjen e Irlandës së Veriut .
Komentet erdhën pasi kryeministrja May u ndesh me kritika të ashpra ndaj marrëveshjes së saj të Brexit nga deputetët e Dhomës së Ulët të hënën, duke këmbëngulur se marrëveshja "u dorëzua për popullin britanik" duke rifituar kontrollin e ligjeve, parave dhe kufijve.
Britania e Madhe dhe Bashkimi Europian aktualisht kanë arritur një marrëveshje negociatash për Brexit-in, por tashmë sfida e kryeministres britanike May është që të anëtartët e parlamentit të mbështesin propozimin në votimin që pritet të mbahet më 11 Dhjetor për draftmarrëveshjen e negociatave me BE-në .
Lajme të tjera
-
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Trump tha se do të blejë Groenlandën, kryeministri i vendit i përgjigjet: Nuk jemi në shitje
24 Dhjetor, 14:16 -
‘Ford’ jep një milion dollarë donacion për inaugurimin e Presidentit Trump
23 Dhjetor, 20:39 -
Presidenti i zgjedhur Trump përsërit thirrjen për të blerë Groenlandën
23 Dhjetor, 20:10 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
A do të ndalohet TikTok në SHBA? Trump: Ndoshta duhet ta mbajmë edhe pak kohë
23 Dhjetor, 10:01 -
Marrëveshja për emigrantët, Meloni mbledh nesër qeverinë: Më duket se Kasacioni na ka dhënë të drejtë
22 Dhjetor, 11:51 -
Trump emëron të dërguarin e posaçëm në Mbretërinë e Bashkuar
22 Dhjetor, 09:28 -
Biden nënshkruan ligjin për financimin e qeverisë, shmanget mbyllja e pjesshme e saj
21 Dhjetor, 19:23
