Marrëveshja mes Italisë dhe Shqipërisë për emigrantët ka ngjallur interes të madh në Mbretërinë e Bashkuar. Kryeministri britanik Keir Starmer ndodhet në Itali, ku do të takohet me homologen Giorgia Meloni, ndërsa në foks të bisedës do të jetë edhe lufta ndaj emigracionit të paligjshëm.
Vetë Starmer ka thënë se është “i interesuar” të mësojë rreth skemës së Italisë për të dërguar emigrantët në Shqipëri. Para takimit me Melonin, Keir Starmer vizitoi qendrën e koordinimit të migracionit të Italisë.
“Jam këtu për të diskutuar mbi këtë qendër koordinimi dhe për të trajtuar me kryeministren çështjen e emigracionit të paligjshëm. Dhe këtu dua të them se ka pasur një reduktim dramatik, ndaj dua ta kuptoj më mirë si ndodhi kjo. Unë vetë e kam besuar prej kohësh se parandalimi dhe frenimi i i njerëzve që udhëtojnë në radhë të parë është një nga mënyrat më të mira për t’u marrë me këtë çështje të veçantë.”
Ndërkohë, ndërsa kryeministri ndodhet në Itali për të diskutuar mbi emigracionin, edhe sekretarja e Brendshme Yvette Cooper, në një deklaratë tha se po shqyrtojnë marrëveshjen mes Italisë dhe Shqipërisë, pasi Londra kërkon të ndalojë kalimet e paligjshme në Le Mansh.
Cooper tha se marrëveshja Italisë ende nuk është zbatuar, ndërsa theksoi se qeveria britanike është e interesuar ta shikojë se çfarë funksionon.
“Kjo është ajo që ata po përpiqen të bëjnë, një vendimmarrje me rrugë të shpejtë për rastet që njerëzit mbërrijnë në Itali që kanë ardhur nga vende kryesisht të sigurta. Ne mendojmë se ka mënyra alternative për të marrë vendime të shpejta dhe kthime për njerëzit që vijnë nga vende kryesisht të sigurta, por ne kemi thënë gjithmonë, Kryeministri ka thënë gjithmonë, ne gjithmonë do të shikojmë çdo gjë që funksionon," tha ajo.
Brenda disa ditësh pas marrjes së pushtetit në korrik, Sir Keir anuloi marrëveshjen e Mbretërisë së Bashkuar për dërgimin e emigrantëve në Ruanda. Por ai tani duket i hapur ndaj skemave të ngjashme me vende të tjera.
Marrëveshja Shqipëri-Itali për emigrantët është arritur në 6 Nëntor të vitit 2023, ku dy kryeministrat e vendeve Rama dhe Meloni firmosën publikisht arritjen. Marrëveshja është fillimisht për pesë vjet dhe është planifikuar për të pritur 36.000 emigrantëve në vit në portin shqiptar të Shëngjinit rreth 75 kilometra në jug të kryeqytetit të Shqipërisë, Tiranës.
Rastet e tyre do të trajtohen në një qendër që është duke u ndërtuar në një bazë ajrore në Gjadër, e cila do të mund të strehojë 3.000 njerëz.
Lajme të tjera
-
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Reduktohet personeli Italian në qendrat e emigrantëve në Lezhë, fillojnë rikthimet në Itali
23 Nëntor, 09:58 -
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Itali/ Grupi i ‘skifterëve’ shqiptarë i ikën policisë me ‘Golf’ të vjedhur, njëri arrestohet dhe 2 arratisen! 32-vjeçari i dënuar me rreth 4 vite burg për grabitje
22 Nëntor, 21:34 -
Itali/ Plagosi me kaçavidë dhe i grabiti 14 mijë euro pensionistit në banesë, arrestohet 34-vjeçari shqiptar! Në kërkim prek Korrikut 2023, e tradhtoi xhaketa
22 Nëntor, 20:59 -
Zbulohen detajet e testamentit të Liam Payne, kush do ta trashëgojë pjesën më të madhe të pasurisë së tij?
22 Nëntor, 14:49 -
U fsheh në Spanjë pas arratisë, ekstradohet në Angli 46-vjeçari shqiptar! Kreu i NCA: Trafikonte klandestinë nga Franca dhe Belgjika, siguronte pajisjet për organizatën (EMRI)
21 Nëntor, 22:15 -
Itali/Kishte fshehur brenda dyshekut mbi 2 kg kokainë, arrestohet 22-vjeçari shqiptar! U denoncua nga banorët, shtëpinë e kishte kthyer në bazë droge
21 Nëntor, 21:49 -
U arrestua për rrahjen dhe grabitjen e një italiani, Gjykata e Katanias liron 28-vjeçarin shqiptar! I skeduar më parë për drogë
21 Nëntor, 21:03 -
Itali/ Përgjimet SKY ECC çmontojnë klanet mafioze Sacra Corona dhe Ndragheta, bashkëpunonin me shqiptarët! 33 arrestime të reja, 97 persona nën hetim (EMRAT)
21 Nëntor, 20:06 -
Itali/ Njëri i dënuar dhe tjetri i skeduar për 8 krime, dy shqiptarët 31-vjeçarë kapen duke shitur drogë! Burgosje dhe dëbim nga vendi
21 Nëntor, 17:35 -
Cilat vende e kanë ndaluar TikTok-un dhe pse?
20 Nëntor, 22:33
