Britania merr hak për arrestimin e kritikut të Putin, sanksionon agjentët rusë

Britania e Madhe ka sanksionuar pesë persona të lidhur me helmimin dhe arrestimin e politikanit dhe gazetarit Vladimir Kara-Murza, i cili është dënuar me 25 vjet burg pasi akuzohet për tradhti.

Ish-gazetari dhe politikani ruso-britanik, i cili është i fundit nga kundërshtarët e arrestuar të Putin është mbështetur vazhdimisht nga Britania, e  cila edhe më herët e ka quajtur të padrejtë dhe të politikisht arrestimin dhe dënimin e tij.

Dy agjentët e FSB-së Alexander Samofal dhe Konstantin Kudryavtsev janë sanksionuar pasi ndoqën  Kara-Murza në udhëtimet e shumta përpara se të helmohej në vitin 2015 dhe Elena Lenskaya gjyqtarja që miratoi arrestimin e Vladimir Kara-Murza, së bashku me Denis Kolesnikov dhe Andrei Zadachin hetues të përfshirë në arrestimin e tij janë sanksionuar nga Britania.

Të pesëve iu është ndaluar hyrja në Mbretërinë  e Bashkuar dhe çdo pasuri që ata mbajnë në vend është ngrirë.

Teksa i bëri thirrje Rusisë që ta lirojë menjëherë politikanin dhe gazetarin, Britania u shpreh se do të vazhdojë të mbështesë Kara-Murzanë dhe familjen e tij.

 

 

 

 

Lajmi kryesor:

Lufta/ WP: Kremlini planifikon të bashkojë mediat dhe OJQ-të në Gjermani kundër luftës! Medvedev: Armët e Moskës do të fundosin Mbretërinë e Bashkuar

K.T./Shqiptarja.com

TAG:
• rusia sulmon ukrainen
• lufta ne ukraine
• Rusi