POP 5

Lajmet më të lexuara të 5 minutave të fundit

Sport

Brohorima dhe flakadanë, boksi 'ndez' Shkodrën! Hysa thyen 'Tyson-in e Ballkanit': I lumtur, kundërshtari shumë më i fortë se unë

Ndeshjet e boksit profesionist ndezën të hënën Shkodrën e cila pas shumë vitesh dëshmoi një aktivitet me nivel të lartë në këtë sport. Jo më kot edhe boksierët shqiptarë morën rezultate fantastike, ndërsa atmosfera e krijuar nga tifozët ishte elekrizuese.

Një mbrëmje për t’u mbajtur mend ishte e hëna për Shkodrën dhe boksin shqiptar në turneun ndërkombëtar të mbajtur në këtë qytet ku performuan 3 sportistë kuqezi. Fillimisht emocionet e para në ring i dha Arjon Kajoshi, i cili fitoi duelin ndaj boksierit të Bosnjës, Miladin Vranjesh, në peshën 76-kg. Më pas ishte rradha e Alban Bermetës, boksierit të ekipit të Tiranës, i cili tregoi supermaci ndaj Nikolas Paviç.

Me shumë entuziazëm u prit dueli i Nelson Hysës, boksierit shkodran, i cili kishte si kundërshtar boshnjakun Dragan Janjiç ose ndryshe “Tyson i Ballkanit”.

Edhe ‘Tysoni i Ballkanit’ pati të njëjtin fat si bashkëkombasit e tij, pasi Nelson Hysa nuk e kurse.

“Shumë i lumtur për fitoren, pasi ishte një kundërshtar shumë i fortë se unë, shumë më i vlerësuar në rang listë se unë. Faleminderit zotit dhe stërvitjes tonë. Shumë shpejt do ketë gara edhe më të vështira, pork jo ishte një ndeshje e bukur e zhvilluar në Shkodër,”-u mposht Nelson Hysa, boksier.

“Pas shumë vitesh në Shkodër u rikthye edhe njëherë boksi profesionist. Këtë rrugë e kam nisur dhe nuk do e ndërpres, por na mungon diçka. Ishalla do na vijnë sponsor sepse kemi boksier profesionistë shumë të mirë në Shkodër dhe Shqipëri,”-deklaroi Zef Gjoni, trajner boksi.

Ky aktivitet u ndoq nga qytetarë të shumtë në Shkodër të cilët krijuan edhe një atmosferë elektrizuese në mbështetje të boksierëve shqiptarë.

 

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Skandali tek Onkologjiku, e kujt është përgjëgjesia?

Lajme të tjera



×

Lajmi i fundit

Spahiu: Të gjithë kemi nga një histori tragjike, të vdekjes së një familjari për faj të mjekësisë së dështuar

Spahiu: Të gjithë kemi nga një histori tragjike, të vdekjes së një familjari për faj të mjekësisë së dështuar

4 Korrik, 22:58