BRUKSEL – KE ashpërson tonin përballë Greqisë për nivelin e ulët të progresit

 ATSH/AFP - Komisioni Evropian ashpërsoi sot tonin përballë Greqisë duke u shprehur i pakënaqur me nivelin e deritanishëm të progresit të përmbushur nga autoritetet greke, një javë para një takimi të rëndësishëm të ministrave të Financave të eurozonës.
"Diskutimet vazhdojnë. Por, në këtë fazë, ne nuk jemi të kënaqur me nivelin e progresit. Punimet duhet të intensifikohen para takimit të eurogrupit më 24 prill që do të zhvillohet në Riga, (Lituani)", deklaroi Margaritis Shinas, një zëdhënës i Komisionit Evropian.
"Ky takim do të jetë mundësia e ardhshme që ministrat e Financave të mund të bashkëpunojnë" nënvizoi ai duke shtuar se ky takim ka gjithnjë e më pak mundësi për arritjen e një marrëveshjeje mes Athinës dhe Eurozonës.
Greqia duhet t'i paraqesë deri në fund të muajit prill një listë reformash partnerëve evropianë për të marrë këstin e fundit nga programi i saj i ndihmës, një shumë prej 7,2 miliardë eurosh dhe për të cilat ajo ka shumë nevojë./

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lezhë, shoferi del nga makina e grushton kalimtarin,se i kërkoi të priste të kalonte rrugën