POP 5

Lajmet më të lexuara të 5 minutave të fundit

Arkiva

BRUKSEL – Parlamenti Evropian nis takimin e parë, nën presionin e eurofobëve

BRUKSEL, 1 korrik /ATSH-AFP/ – Parlamenti i ri evropian u mblodh sot, nën presionin e eurofobëve, pas rritjes së fortë në zgjedhjet e 25 majit duke detyruar partitë pro-evropiane të ngushtohen. Social-demokrati gjerman, Martin Schulz do të rizgjidhet pa shumë vështirësi si president për dy vjet e gjysmë, në përfundim të një marrëveshjeje koalicioni me […]
BRUKSEL, 1 korrik /ATSH-AFP/ - Parlamenti i ri evropian u mblodh sot, nën presionin e eurofobëve, pas rritjes së fortë në zgjedhjet e 25 majit duke detyruar partitë pro-evropiane të ngushtohen.
Social-demokrati gjerman, Martin Schulz do të rizgjidhet pa shumë vështirësi si president për dy vjet e gjysmë, në përfundim të një marrëveshjeje koalicioni me PPE-në (qendra e djathtë) dhe liberalët, që nuk paraqitën kandidatë kundër tij.
Tre kandidatë të tjerë do të jenë të pranishëm në turin e parë, konservatori britanik, Sajjad Karim, spanjolli, Pablo Iglesias, mbështetur nga e majta radikale dhe i Gjelbëri austriak, Ulrike Lunacek.
Viktima të mosbesimit përballë projektit evropian pas disa viteve krizë, katër formacionet kryesore eurofile (PPE, socialistë, liberalë dhe të Gjelbërit) kanë humbur vende gjatë zgjedhjeve evropiane.
Numri prej 221 deputetësh të PPE-së dhe 191 socialistëve siguron vetëm një maxhorancë të brishtë prej 412 vendesh nga 751.Dy grupet janë tashmë në kërkim të liberalëve dhe 67 deputetët e tyre për konsolidimin e qëndrimit të tyre./
/ec/

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Synon anëtarësimin në BE, Serbia dështon në hapjen e kapitujve

25 Nëntor, 16:45