POP 5

Lajmet më të lexuara të 5 minutave të fundit

Politikë

Bruksel, Rama takon Fylen:
Integrimi real, vijoni dialogun

Në deklaratën e zbardhur në faqen zyrtare të Komisionit Evropian Fyle citohet të jetë shprehur se Shqipëria ka një perspektivë reale në rrugën e integrimit evropian, me kusht që vendi duhet të sigurojë qëndrueshmërinë e dialogut politik dhe të japë rezultate konkrete në 12 prioritetet kyçe të Opinionit të Komisionit.
Bruksel, Rama takon Fylen: <br />Integrimi real, vijoni dialogun
BRUKSEL - Komisionieri për Zgjerim, Stefan Fyle, në takim me kreun e Partisë Socialiste, Edi Rama, ka përgëzuar përpjekjet e bëra nga qeveria dhe opozita për të forcuar bashkëpunimin në kuadrin e reformave institucionale, të cilat kanë bërë të mundur një numër zhvillimesh pozitive në muajt e fundit. Në deklaratën e zbardhur në faqen zyrtare të Komisionit Evropian Fyle citohet të jetë shprehur se Shqipëria ka një perspektivë reale në rrugën e integrimit evropian, me kusht që vendi duhet të sigurojë qëndrueshmërinë e dialogut politik dhe të japë rezultate konkrete në 12 prioritetet kyçe të Opinionit të Komisionit.

Komisioneri Fyle përshëndeti miratimin me konsensus të rishikimit të imuniteteve dhe theksoi se Shqipëria duhet të intensifikojë përpjekjet e saj për reformën e gjyqësorit dhe ne administratën publike.

Duke përsëritur angazhimin e Komisionit Evropian dhe mbështetjen e plotë për të ardhmen evropiane të Shqipërisë, Komisioneri Fyle inkurajoi Ramën për të siguruar se PS do të vazhdojë bashkëpunimin konstruktiv në reformat në vend që janë të nevojshme për arritjen e objektivit kombëtar, integrimin.

Ndërkohë, përfundimi i takimit është shoqëruar me një mesazh të shkurtër të kryesocialistit Rama në rrjetin social Twitter ku ai shkruan mbi një takim inkurajues me komisionerin për Zgjerim.

“Dëgjuam fjalët më të mira për rolin tonë e kërkuam statusin për Shqipërinë” thuhet në mesazhin e Ramës. Mesazhi i shkurtër në Twitter shoqërohet gjithashtu dhe me një foto të tij me zyrtarin e lartë të Komisionit Evropian.

Rama ndodhej në Bruksel i shoqëruar nga disa deputetë të Kuvendit të Shqipërisë. Pak para takimit Rama kishte shkruar po në Twitter se “ndodhej në Bruksel në Komisionin Evropian për të mbështetur kandidaturën e Shqipërisë për statusin e vendit kandidat. S'e meriton qeveria, e meritojnë shqiptarët”, shkruan Rama.

Takimet e Ramës në Bruksel vijnë pak orë pasi Kuvendi miratoi heqjen e imunitetit në Shqipëri dhe pak javë përpara se Komisioni Evropian të publikojë raportin e progresit për Shqipërinë.

Pasditen e së hënës në Bruksel është çelur dhe një ekspozitë organizuar nga PS, "Euro- Albania Contacts". Ekspozita paraqet rreth 50 harta të trojeve shqiptare në një hark kohor prej 17 shekujsh. Qëllimi i kësaj ekspozite është promovimi i imazhit të Shqipërisë në 100-vjetorin e Pavarësisë së saj.

(ns/Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Mero Baze: 700 cuba që duan t’u imponohen 700 mijë qytetarëve

Mero Baze: 700 cuba që duan t’u imponohen 700 mijë qytetarëve

26 Nëntor, 21:21 nga Mero Baze