Treguesi i ndjesisë ekonomike ra me 5.7 pikë në tremujorin e parë të vitit 2016, duke zbritur poshtë mesatares historike për herë të parë pas tre tremujorëve, vlerësoi dje Banka e Shqëirpsë. Ecuria e këtij treguesi u përcaktua nga rënia e besimit në të gjithë sektorët e ekonomisë, ku rënie më të fortë regjistroi besimi në sektorin e ndërtimit.
Sipas sektorëve, treguesi i besimit në sektorin e industrisë u ul me 3 pikë përqindje. Niveli i tij është luhatur nëpër tremujorë, që nga fillimi i vitit 2015, por duke qëndruar sipër mesatares së tij historike. Aktualisht TBI-ja qëndron 4.5 pikë përqindje mbi mesataren.