Buffon: Jam ushtar i Kombëtares
mund të rikthehem

Legjenda e portës së Italisë dhe Juventusit, Giangluigi Buffon ka rikthyer zërat se ai mund të luajë përsëri futboll në fushën e blertë me kombëtaren.

Buffon deklaroi dorëheqjen në moshën 40-vjeçare nga kombëtarja italiane pasi u eliminua nga Suedia në fazën play-off të Botërorit “Rusi 2018”.

“I dhashë vetes mundësinë e një pauze. Kam një moshë të caktuar, por pjesën më të madhe të jetës e kam kaluar si një “ushtar” i Juventusit dhe Kombëtares, ndaj nuk mund t’i lë në baltë”, ka thënë Buffon.“Edhe 60-vjeç po të isha, nëse do të merrja ftesë, nuk do t’i thosha kurrë jo përfaqësueses. Ky është koncepti im për të”, deklaroi Buffon për “Goal”.

Me këtë deklaratë Buffon ka lënë të hapur mundësinë e  rikthimit tek kombëtarja azure.

Redaksia Online
a.dr/shqiptarja.com