POP 5

Lajmet më të lexuara të 5 minutave të fundit

Ekonomi

Bujqësia, debat Rama-Malaj
në mbledhjen e grupit PS

Programi i Partisë Socialiste për bujqësinë ka shkaktuar dje, në një takim të kryetarit Rama me deputetët e grupit të PS në Kuvend, debate midis kreut të partisë dhe ish-ministrit Arben Malaj. Mbledhja është zhvilluar me dyer të mbyllura.
Bujqësia, debat Rama-Malaj<br />në mbledhjen e grupit PS
Rritja pesë herë e investimeve në sektorin e bujqësisë ka shkaktuar dje debate mes Arben Malajt dhe kreut të PS Edi Rama. Ky debat është zhvilluar në një takim me dyer të mbyllura të Ramës me deputetët e grupit parlamentar të Partisë socialiste.
Sipas burimeve të brendshme në PS, një çështje tjetër e debatuar midis tyre ka qenë edhe ajo e uljes së Tatimit mbi Vlerën e Shtuar në fusha të ndryshme të bujqësisë. Sipas këtyre burimeve, kryetari i Partisë Socialiste deklaroi se ky është program dhe atë e mbrojnë të gjithë drejtuesit dhe deputetët e PS.
Ish-ministri i Financave Arben Malaj u përgjigj, duke deklaruar se, “pavarësisht se është në program, unë nuk e mbroj dot dhe, për pasojë, as që nuk e mbroj dot në publik. Sepse na del si Berishës me problemin e TVSH-së, kurpremtoi uljen, por në fakt e rriti. Ka impakt në public kjo”, u shpreh ai.

Kryetari i Partisë Socialiste tha se projektligji për krijimin e kooperativave bujqësore, që është sjellë në shqyrtim të komisioneve parlamentare javën e kaluar, është një nismë ku janë kopjuar elementë të rëndësishëm të programit socialistpër zhvillimin rural “Rilindja shqiptare”.
“Pas shtatë vitesh në rrugën qorre, qeveria ka kopjuar elementin e rëndësishëm për zhvillimin rural të programit tonë Rilindja Shqiptare dhe sjell në Kuvend nismën. Një nismë e dobët për mënyrën si është konceptuar dhe larg standardeve të BE-së”, tha Rama, duke pranuar se “është një hap shumë i vogël në drejtimin e duhur”. Ai i ka ftuar deputetët të votojnë në parim pro kësaj nisme dhe shtoi se socialistët do të propojnë uljen e TVSHsë për imputet bujqësore dhe uljen e akcizës së naftës. “Fshatarët sot janë në kushtet e mbijetesës dhe për këtë grupi PS do t’i propozojë parlamentit TVSH zero për plehrat kimike, TVSH zero për makineritë bujqësore dhe uljen e TVSH-së në 10% për farërat që përdoren në bujqësi”, deklaroi kryetari i PS-së në mbledhjen e grupit parlamentar, që u zhvillua në selinë rozë.

(aq/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Wall Street Journal: Pse Shqipëria duhet të jetë destinacioni i radhës për udhëtarët e zgjuar

Wall Street Journal: Pse Shqipëria duhet të jetë destinacioni i radhës për udhëtarët e zgjuar

24 Nëntor, 20:33