Receta

Bukë e butë si pambuk, ja receta e vjetër me brumë në zierje në çast nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00

Redaksia 11 Korrik, 11:55 | Përditesimi: 11 Korrik, 11:57

Bukë shtëpie

Përbërësit:

700 gr miell
400 ml ujë të ngrohtë
½ lç sheqer
½ ls kripë
8 gr maja
30 ml vaj bimor
Fara susami

Përgatitja:

LEXO EDHE:
Pulë e mbushur nga zonja Albana

Trazojmë majanë e thatë me ujë dhe pak sheqer. E lëmë 5 minuta në qetësi dhe e përziejmë sërish. Shtojmë më pas vajin, pak kripë dhe miellin gradualisht duke e përzier me lugë druri. Lyejmë një tas me vaj, vendosim brumin e përgatitur të bukës, e mbulojmë me membranë dhe e lëmë për 30 minuta të pushojë. Pasi brumi ka dyfishuar volumin, e punojmë përsëri dhe e ndajmë në toptha duke i punuar pak me duar. E lëmë brumin të pushojë për 30 minuta të tjera. Në një tenxhere me ujë të vluar me 1 lugë gjelle kripë, vendosim kuleçët e brumit të bukës. I lëmë për 40 sekonda dhe më pas i kthjemë nga ana tjetër. I largojmë nga uji i vluar dhe i vendosim në një tavë me letër pjekje. I spërkasim me pak fara susami dhe i vendosim bukëzat të piqen në furrë në temperaturën 180 gradë Celsius për 35 minuta.

MC/Shqiptarja.com

TAG: