POP 5

Lajmet më të lexuara të 5 minutave të fundit

Politikë

Bulevardi, Bozdo: Rama ngriu
fondet,  Prefekti: Akuza politike

Nënkryetari i bashkisë së Tiranës, Eno Bozdo në një konferencë për shtyp, ka denoncuar kryeministrin Edi Rama, se po kërkon të bllokojë punimet për bulevardin e ri. Reagon edhe Prefektura e Qarkut Tiranë.
Bulevardi, Bozdo: Rama ngriu<br />fondet,  Prefekti: Akuza politike
TIRANE - Bashkia e Tiranës ka akuzuar kryeministrin Rama se po pengon ndërtimin e bulevardit të ri të Tiranës, pavarësisht vendimit që dha gjykata Administrative për rifillimin e punimeve. Nënkryetari i bashkisë së Tiranës Enno Bozdo e cilësoi antiligjor bllokimin e fondeve për këtë projekt.
 
Por i menjëhershëm ka qenë reagimi i prefektit të qarkut të Tiranës Sadi Vorpsi, i cili thotë se akuzat janë politike. Ai sqaron se i ka dërguar një letër Këshillit të Bashkisë ku kërkonte që vlera e shpronësimit të ishte e plotë dhe jo e copëzuar. Një ditë para vendimit të gjykatës nga ana e këtij këshilli ishte kthyer një përgjigje ku e falenderonte.

REAGIMI I BASHKISE
Sipas Bozdos vendimi i kryeministrit për ngrirjen e fondit për shpronësimet në bulevardin e ri, synon vetëm bllokimin e projektit të Bashkisë së Tiranës.  “Vetëm një ditë pas vendimit të gjykatës që urdhëroi rifillimin e punimeve për ndërtimin e bulevardit të ri të Tiranës, Edi Rama ka urdhëruar përsëri bllokimin e kësaj vepre strategjike. Edhe kësaj radhe, në mënyrë absurde dhe të paligjshme ka urdhëruar shkeljen e ligjit për pushtetin vendor, duke imponuar në mënyrë të paligjshme “ngrirjen” e fondit për shpronësimet në bulevardin e ri. Nën këtë kllapi xhelozie dhe revanshi, Edi Rama ka një dhe vetëm një objektiv: bllokimin e projekteve të Bashkisë së Tiranës me çdo çmim.” tha nënkryetari i bashkisë Eno Bozdo

REAGIMI I PREFEKTIT
Prefekti i Qarkut Tiranë dëshiron të bëjë me dije se pranë këtij institucioni kanë ardhur vendimet Nr 1, 2, 3 dhe 4 të datës 26.02.2014 të Këshillit të Bashkisë Tiranë. Referuar ligjit Nr. 9827, dt 31.07.2000 “Për organizimin dhe funksionimin e qeverisjes vendore” (i ndryshuar), ju njoftojmë se:

Vendimi Nr.1  konfirmohet në përputhje ligjin nr. 8652 dt 31.07.2000 “Për organizmin dhe funksionimin  e qeverisjes vendore” i ndryshuar,  ligjin  9936 dt 26.06.2008 “Për menaxhimin e sistemit buxhetor ne Republikën e Shqipërisë” i ndryshuar.

Ndërsa pjesa e përcaktuar në program- buxhet në  fq 129 te tij tek shpronësimet në interes publik  (kompensimi i pronarëve që përdoren për interes publik si për ndërtimin e rrugëve, shkollave etj) me vlerë (580,955,290 lekë për vitin 2014), në të cilën  nuk është pasqyruar saktë vlera e dëmshpërblimit për shpronësimet e qytetarëve sipas VKM nr 752  dt 05.09.2013 “Për shpronësimin në interes publik të pronarëve  të pasurive  të paluajtshme ,pronë  private,që preken  nga zbatimi  i projektit  të bulevardit verior dhe rehabilitimi të lumit të Tiranës, faza e parë, në Bashkinë e Tiranës” nuk konfirmohet.

Në këtë VKM përcaktohet qartë vlera e plotë e shpronësimit prej 1’757’476’521 (një miliard e shtatëqind e pesëdhjetë e shtatë milionë e katërqind e shtatëdhjetë e gjashtë mijë e pesëqind e njëzet e një lekë) që do të përballohet nga Bashkia Tiranë, detyrim ky i cili duhet të ishte parashikuar i plotë dhe jo i copëzuar nga ana e Këshillit Bashkiak, në detajimin e buxhetit për vitin 2014.

Prefekti i Qarkut Tiranë përmes bazës ligjore të sipërpërmendur, i është drejtuar me një shkresë për “Konfirmimin e ligjshmërisë”, Këshillit Bashkiak, konform kompetencave dhe detyrimeve që i ngarkon ligji.

Në lidhje me reagimin e sotëm të nënkryetarit të Bashkisë Tiranë, Prefekti i Qarkut Tiranë shpreh habinë e tij në lidhje me këtë reagim, pasi me një shkrësë të datës 18.03.2014, z. Bozdo i është drejtuar Prefektit duke e falënderuar sa i përket “Konfirmimit të ligjshmërisë”.

Nga ana tjetër, institucioni i Prefektit të Qarkut Tiranë kërkon të bëjë me dije se “Konfirmimi i ligjshmërisë” nuk i është drejtuar administratës së Bashkisë, por Këshillit Bashkiak, i cili merr edhe vendimet në lidhje me buxhetin vjetor.

Gjithashtu, Prefekti i Qarkut Tiranë distancohet nga akuzat me karakter politik, që e cilësojnë këtë veprim ligjor si një “bllokim” dhe kërkon t’ju vërë në dijeni se “Konfirmimi i ligjshmërisë” i është dërguar Këshillit Bashkiak më datë 17.03.2014, më nr Prot. 1028, përpara zbardhjes së vendimit të Gjykatës Administrative në lidhje me procesin INUK – Bashkia e Tiranës.
 

Redaksia Online
(e.c/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

VIDEO/ Armando Broja luan 70 minuta me Everton, futet në fushë dhe bën protagonistin

VIDEO/ Armando Broja luan 70 minuta me Everton, futet në fushë dhe bën protagonistin

29 Nëntor, 18:19