BULQIZË – Pas 2 muajsh ndërprerje në minierën e Bulqizës do të nisë puna të mërkurën. Vendimi u mor nga ministria e ekonomisë, tregtisë dhe energjitikës, përfaqësues të së cilës bashkë më drejtues të RISHM ishin sot në këtë minierë.
Kësisoj, 700 minatorët e Bulqizës do të rikthehen nesër në punë, pas ndërprerjes më 18 tetor.
Përfaqësues të Repartit të Inspektim – Shpëtimit të minierave deklaruan se ka ende nevojë për riparime në disa zona të minierës, por puna do të fillojë. Në Bulqizë ndodhen edhe drejtues të Agjencisë kombëtare të burimeve natyrore.