Bulqizë, furgoni përplaset me
kamionçinën, 5 të plagosu

BULQIZE - Një ngjarje e rëndë  ka ndodhur mëngjesin e sotëm në qytetin e Bulqizës, ku nje furgon pasagjerësh Benz me targa AA 815 EP është perplasur me një makinë "Tojoto" e si pasojë janë plagosur 5 persona.



Sipas policisë, ngjarja ka ndodhur në kryqëzimin e aksit rrugor që lidh dy lagjet e qytetit të Bulqizës. Menjëherë në vendgjarje ka shkuar policia, që ka bërë të mundur dhe transportimin e të plagosurve për në spitalin e Bulqizës ku u është dhënë ndihma e parë.

Burime nga spitali bëjnë me dije se dy prej të plagosurve ishin në gjendje të rëndë, gjë që i ka detyruar mjekët t'i nisin me urgjencë me helikopter në drejtim të Spitalit Ushtarak pikërisht drejtuesin e automjetit  "Tojoto", Seit Alla dhe një nga pasagjerët që ndodhej në furgon, Naim Skana, ndërsa tre të tjerët janë jashtë rrezikut për jetën.



Sipas policisë, mësohet se dy automjetet janë përplasur me njeri-tjetrin; furgoni, për t'u shmangur, është përplasur dhe me shtyllën elektrike. Policia ka nisur hetimet për shkakun e aksidentit dhe ka shoqëruar ne komisariat, drejtuesin e automjetit Syri Cena, 45 vjeç.

Redaksia online
(sg/shqiptarja.com)