POP 5

Lajmet më të lexuara të 5 minutave të fundit

Kronikë

Bulqizë/ Kushëriri vret në gjueti 36-vjeçarin në pyllin e Tërnovës, Policia po verifikon nëse është aksidentale apo e qëllimtë! Shoqërohet 34-vjeçari (EMRAT)

Policia tha se u njoftua se është plagosur me armë gjahu (çifte), shtetasi Vasil Kamberi, 36 vjeç, i cili si pasojë e plagëve të marra, ka humbur jetën gjatë transportimit me helikopter për në spital. Shoqërohet 34-vjeçari, po merret në pyetje

Bulqizë/ Kushëriri vret në gjueti 36-vjeçarin në pyllin e Tërnovës, Policia po verifikon nëse është aksidentale apo e qëllimtë! Shoqërohet 34-vjeçari (EMRAT)

Viktima Vasil (Deli) Kamberi dhe helikopteri që bëri transportin

Dibër- Një ngjarje e rëndë ka ndodhur mesditën e sotme në Bulqizë të Dibrës.

Një 34-vjeçar i identifikuar si Flamur Kamberi, ka vrarë me çifte kushëririn e tij Vasil Kamberi, teksa ndodheshin në pyll (paraprakisht dyshohet për aksidentale, por dinamika është ende nën investigim policor), për gjueti.

Policia vendore e konfirmoi ngjarjen e ndodhur rreth orës 12:00, në pyllin e fshatit Tërnovë e Vogël në Bulqizë. Vasil Kamberi më herët ka mbajtur emrin Deli, por e ka ndërruar në Vasil.

“U njoftuam se është plagosur me armë gjahu (çifte), shtetasi V.K., 36 vjeç, (Vasil Kamberi) i cili si pasojë e plagëve të marra, ka humbur jetën gjatë transportimit me helikopter për në spital”, thotë policia. 

Gazetari i Report TV, Mahir Jangulli, informon se nga veprimet e para hetimore, ka rezultuar se autori i dyshuar i ngjarjes është shtetasi Flamur Kamberi, 34 vjeç (i afërm me shtetasin V.K.), i cili është shoqëruar në Komisariatin e Policisë për veprime të mëtejshme.

“Grupi hetimor nën drejtimin e Prokurorisë vijon veprimet në vendngjarje për sqarimin dhe dokumentimin e plotë ligjor të kësaj ngjarjeje”, theksohet në njoftim, teksa i dyshuari po jep shpjegime për rrethanat, nëse është e qëllimtë apo aksidentale gjatë gjuetisë në pyll.

Burime nga policia bëjnë me dije se ka qenë vetë kushëriri i tij që ka njoftuar dhe ka trasportuar të plagosurin deri në afërsi të rrugës nacionale, ku është trasportuar me helikopter drejt Tiranës. 36-vjeçari nuk ka mundur t'u mbijetojë plagëve të marra nga arma e gjuetisë dhe ka humbur jetën rrugës për në Tiranë.

Paraprakisht dyshohet se mund të jetë goditur aksidentalisht nga kushëriri Flamur Kamberi 34 vjeç, gjatë gjuetisë. Pritet përfundimi i hetimeve për zbardhjen e plotë të ngjarjes. Policia ka shoqëruar dhe ka marrë në pyetje autorin e dyshuar.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hajdari: 16/01/2025 13:38

    Gjynof ky qe paska hik,po me sa di un gjuetia eshte e myllur ne shqipri..si ka mundesi qe te gjithe dali per gjueti e vrasin njoni tjetrin edhe?

    Përgjigju
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Në oborrin e QSUT do të ngrihen dy ndërtesa 5-katëshe, 16 miliardë lekë për ndërtimin e parkingut dhe hotelit

Në oborrin e QSUT do të ngrihen dy ndërtesa 5-katëshe, 16 miliardë lekë për ndërtimin e parkingut dhe hotelit

16 Janar, 17:48