POP 5

Lajmet më të lexuara të 5 minutave të fundit

Politikë

Bumçi: Do të çrrënjosim shkaqet
e diskriminimit dhe intolerancës

Në ditën e parë të Konferencës 2-ditore të Nivelit të lartë të OSBE-së mbi Tolerancën dhe Mosdiskriminimin, në Tiranë, ministri i Jashtëm Aldo Bumçi, në një dalje për mediat tha se “Shqipëria është një vend aktiv brenda organizatës së OSBE-së, e përkushtuar ndaj vlerave themelore të organizatës”.
TIRANE- Në ditën e parë të Konferencës dy ditore të Nivelit të lartë të OSBE-së mbi Tolerancën dhe Mosdiskriminimin, në Tiranë, ministri i Jashtëm Aldo Bumçi, në një dalje për mediat tha se “Shqipëria është një vend aktiv brenda organizatës së OSBE-së, e përkushtuar ndaj vlerave themelore të organizatës”.

Kryediplomati shqiptar tha se “mbajtja e kësaj konference në Tiranë është shenjë e përkushtimit të Shqipërisë ndaj vlerave të tolerancës dhe kundër diskriminimit”.

Duke vënë theksin në harmoninë ndërfetare në vend, Bumçi tha se kjo praktikë duhet të ndiqet edhe për të ruajtur stabilitetin dhe harmoninë në rajon.

“Brenda vendit, ne kemi riorganizuar dhe përditësuar legjislacionin tonë kombëtar, i cili tani përfshin një ligj gjithëpërfshirës kundër diskriminimit dhe një kod penal të ndryshuar. Këto përcaktojnë masat e përshtatura për të luftuar të gjitha format e intolerancës dhe diskriminimit, duke përfshirë ato të bazuara tek orientimi seksual dhe identiteti gjinor. Kështu duhet të jetë, sepse të drejtat e njeriut dhe liritë themelore vlejnë për të gjithë individët, pa asnjë dallim”, tha Bumçi.

Sipas Ministrit të Jashtëm, prioritet mbetet edukimi i të rinjve me frymën e respektimit të të drejtave dhe lirive themelore të individit.

“Ne kemi një përgjegjësi për t’i garantuar brezave të rinj një të ardhme të përbashkët në një botë ku mbizotëron paqja, ku të drejtat e njeriut dhe liritë themelore respektohen dhe ku diversiteti vlerësohet. Kjo do të thotë se arsimi nuk është përgjegjësi vetëm e edukatorëve, por detyrë e të gjithë atyre që shërbejnë si model për brezin e ri: prindër, politikanë, udhëheqës fetarë dhe të komunitetit, atletë, etj. Ka shumë paragjykime dhe stereotipa që çojnë në sjellje diskriminuese dhe dhunë”, tha Bumçi.

Ndërkaq, kryediplomati shqiptar, vuri theksin në vijimin e përpjekjeve konkrete “për të çrrënjosur shkaqet kryesore të intolerancës dhe diskriminimit dhe për të promovuar respektin për diversitetin dhe pranimin”.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03