POP 5

Lajmet më të lexuara të 5 minutave të fundit

Ekonomi

Bum kërkesash për kredi, por rekord refuzimesh nga bankat! 1 në 4 aplikime nuk pranohet

Bankat shtrëngojnë dorën në dhënien e kredisë për qytetarët, për shkak të frikës mbi fuqinë e tyre për të kthyer huanë. Ndikim në këtë qasje ka dhënë kryesisht kërkesa e lartë për kredi për blerje banese, në kushtet kur tregu i pasurive të paluajtshme vetëm shtrenjtohet. Në gjysmën e parë të vitit bankat kanë refuzuar 25% të kërkesave për kredi, shifër rekord sipas Bankës së Shqipërisë. 

Përballimi i kostove të jetesës, shpenzimet e papritura, nevoja për investime si dhe blerja e një apartamenti, kanë sjellë bum aplikimesh për kredi si nga qytetarët por edhe bizneset.

Vetëm në gjashtëmujorin e parë të vitit janë bërë 72.418 aplikime për kredi pranë bankave, nga të cilat 91% (ose 65,729 aplikime) i përkasin qytetarëve, e pjesa tjetër janë nga sektori i bizneseve.

Por përballë ‘etjes’ për kredi, bankat janë treguar strikte ndaj qytetarëve kryesisht, duke refuzuar gati ¼ e kërkesës që ata kanë bërë për kredi.

Kërkesa për kredi e qytetarëve e udhëhequr nga nevoja për konsum dhe për blerje pasurish të paluajtshme, ka hasur në kushte të shtrënguara në kreditim nga bankat kryesisht tek bankat me kapital të huaj, thotë Banka e Shqipërisë.

25% ose 18,104 kërkesa për kredi pothuajse të gjitha tek grupi i individëve janë refuzuar bankat tregtare, për shkak të shtrëngimit të kushteve të kredisë për këtë kategori që është diktuar kryesisht nga frika e aftësisë paguese dhe shtrenjtimi i banesave.

Çmimet e pasurive të paluajtshme shikohen si faktor rreziku për kthimin e kredisë për shkak se kërkesa për hua është tepër e lartë, pasi shtrenjtimi nuk ka të ndalur.

Rreth 38% e kredisë së dhënë nga bankat nga janari deri në qershor ishte për pasuri të paluajtshme, duke bërë që stoku i kredisë për këtë segment të jetë 180 miliardë lekë në fund të gjashtëmujorit.

G.K/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gomariil: 05/10/2024 21:22

    Jepni kredi se hapet ekonomia cfare ka mbet ne at vend shkerdhat

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Akuzat e opozitës për mbylljen e TikTok! Rama fiton garën me fansat, Berishën e mund edhe Arlind Qori

Akuzat e opozitës për mbylljen e TikTok! Rama fiton garën me fansat, Berishën e mund edhe Arlind Qori

24 Dhjetor, 19:58