VIDEO
Në një reagim për Shqiptarja.com Ministria e Punëve të Jashtme sqaroi arsyet pse Shqipëria refuzoi të kryesojë komitetin e Ekonomisë në OSBE.
Sipas Ministrisë së Jashtme, propozimi që OSBE bëri për kryesimin e komitetit të ekonomisë u refuzua pasi ministria ka kërkuar që të marrë drejtimin e një prej komiteteve për çështjet e sigurisë ose atë për të drejtat e njeriut.
Kjo kërkesë është bërë nga Ministria e Punëve të Jashtme duke pasur parasysh edhe eksperiencat e mëparshme që vendi ynë ka pasur në drejtimin dhe dhënien e kontributit të këtyre komiteteve.
Në komisionin e Politikës së Jashtme të mbajtur dje Bumçi kritikoi Ministrin e Jashtëm Ditmir Bushati për refuzimin e drejtimit të njërit prej komiteteve të OSBE. Sipas Bumçit vendimi i Bushatit ka dëmtuar pozitën e vendit tonë, për më tepër që ky vendim është marrë në një kohë kur Presidencën e OSBE-së do ta marrë Serbia.
Reagimi i plotë i MPJ-së për Shqiptarja.com
OSBE-ja ka tri komitete, një për çështjet e sigurisë, atë për të drejtat e njeriut dhe ai për çështjet ekonomike, sociale dhe mjedisore. Ne si ministri kemi kërkuar që të marrim drejtimin e një prej dy të parave, duke marrë parasysh edhe eksperiencat tona, kontributin tonë në këto dy komitete si dhe objektivat tona kombëtare. Por na është ofruar vetëm drejtimi i Komitetit të Çështjeve Ekonomike. Propozimi na ka ardhur direkt nga vetë organizata e OSBE-së.
Deklarata e plote e deputetit te PD Aldo Bumci
Ministri i Jashtëm ka refuzuar kryesimin nga Shqipëria të një nga tre komitetet e OSBE, duke kryer një akt të papreçedent në historinë e diplomacisë sonë. Duke refuzuar drejtimin e komitetit, ka humbur një shans unik për të balancuar presidencën serbe të OSBE-së dhe për të rritur rolin ndërkombëtar në këtë kohë zhvillimesh të rëndësishme në Europë.
Kërkesa që Shqipëria të drejtonte një nga tre komitetet e OSBE-së, ka ardhur nga partnerët tanë më të rëndësishë në kuadër të OSBE-së, SHBA, Gjermani, etj. Kjo mbështetje nërkombëtare duhet të siguronte miratimin e të gjithë vendeve anëtare të OSBE-së, duke përfshirë Presidencën serbe që të pranonin që Shqipëria të drejtonte një nga tre komitetet.
Ndërsa ky proces është kurorëzuar me sukses, dhe kërkesa zyrtare ka ardhur nga OSBE-ja që Shqipëria të kryesojë një nga tre komitetet, nga Ministriajonë e Jashtme ka ardhur refuzimi. Me gjithë lobimin e partnerëve për të bindur Ministrin tonë të jashtëm, Bushati, ai ka refuzuar duke u justifikuar me mungesë burimesh njerëzore dhe fondesh. Këmbëngulja e partnerëve tanë, ka habitur madje të shokuar nga refuzimi i Ministrit të Jashtëm, ka arritur deri aty sa dhe vetë Sekretari i Përgjithshëm i OSBE-së i ka premtuar Ministrit Bushati se do ta mbështeste ai Shqipërinë me burime njerëzore. Por përsëri, Ministri Bushati ka refuzuar.
Është e padëgjuar që vendet më të rëndësishme partnere dhe vetë Sekretari i Përgjithshëm i OSBE-së të angazhohen në interes të Shqipërisë dhe të jetë Ministri i Jashtëm i vendit, Bushati që të dalë kundër interesit të vendit të tij dhe shqiptarëve në përgjithësi.
Drejtimi i këtij komiteti do të rriste peshën dhe rolin e Shqipërisë në kuadër të OSBE-së në një moment historik dhe shumë të rëndësishëm. E para për shkak të presidencës serbe kjo do të sillte një balancim, i cili do të ishte në interes të Shqipërisë, Kosovës, dhe shqiptarëve. E dyta, për shkak të krizës në Ukrainë roli dhe pesha e OSBE-së është rritur ndjeshëm, dhe drejtimi i një nga tre komitetet do ti jepte vendit tonë një dimension dhe rol të panjohurmëparë. Drejtuesit e tre Komiteteteve janë të ulur në të gjitha tryezat e rëndësishme siç ishte dhe ajo që u organizua përpara pak ditësh për Ukrainën.
Njeriu që duhet të promovojë interesin e vendit ka dalë kundër tij. Mjafton ky skandal, që Ministri i Jashtëm Bushati të japë dorëheqjen ose të shkarkohet pa vonesë.
Redaksia Online
(F.M/Shqiptarja.com)
Lajme të tjera
-
Numërimi i votave, Celibashi: S’është koha që partitë të ikin! PD kundër numëruesve që vijnë nga administrata: Katastrofale
10 Dhjetor, 15:29
-
Zgjedhjet 2025/ Komisioni i Venecias: Punoni të jenë të lira, OSBE: Depolitizoni administratën zgjedhore! Celibashi: Do të sillte mosnjohje rezultati
10 Dhjetor, 10:23 -
Shqipëri, shqetësim transparenca e financimit në zgjedhje
9 Dhjetor, 20:38 -
OSBE trajnon gjyqtarët dhe prokurorët e ardhshëm mbi trafikimin e qenieve njerëzore
6 Dhjetor, 14:15 -
OSBE, trajnim punonjësve të Burgjeve për standardet e të drejtave të njeriut
22 Nëntor, 15:44 -
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
'Mashkull, femër apo të tjera', OSBE flet për sondazhin: E konsultuam me Kuvendin
29 Tetor, 09:18
-
Fitorja e partisë proruse, Presidentja e Gjeorgjisë thotë se nuk e njeh rezultatin e zgjedhjeve
27 Tetor, 22:27 -
'Mashkull, femër apo të tjera, çfarë gjinie je?', Tritan Shehu denoncon 'sondazhin' e OSBE-së për deputetët: Fyes, refuzoj ta plotësoj
24 Tetor, 20:21 -
Prapaskenat e garës për sekretarin e Përgjithshëm të OSBE, Shqipëria me kandidaturën e Igli Hasanit mund rivalin turk! Si do zgjidhet në Vjenë
26 Shtator, 17:15
