Anëtari i Bundestag-ut dhe Kryetar i Grupit Parlamentar (SPD), Josip Juratovic në një takim të zhvilluar me Kryetari i Grupit Parlamentar të Partisë Socialiste, Taulant Balla ditën e sotme në Kryesinë e Kuvendit është shprehur se është detyrë për të mbështetur përmirësimin e imazhit të Shqipërisë por për shkak të punimeve në Parlament është e pamundur që të merret një vendim për hapjen e negociatave me Shqipërinë. Ai më pas ka thënë se vendimarrja me shumë mundësi do të shtyhet për në vjeshtë.
Juratovic duke shprehu edhe shqetësimin mbi situatën e krijuar në vend është shprehur: Detyrë mbetet përmirësimi i imazhit të Shqipërisë që do të jetë në funksion të bindjes së vendeve skeptike si Franca, Hollanda apo Danimarka. E theksova edhe pak më parë me Kryetarin e Parlamentit, fakti që na ka mbetur vetëm një javë punime në Parlament dhe e kemi të pamundur të marrim një vendim prandaj vendimarrja do të shtyhet për në vjeshtë”.
Delegacioni i deputetëve të Bundestagut përbëhej nga z. Josip Juratovic, Anëtar i Bundestag-ut dhe Kryetar i Grupit Parlamentar (SPD), znj. Renata Alt, Anëtare e Bundestag-ut dhe Zv/kryetare e Grupit Parlamentar (FDP), z. Hansjörg Müller, Anëtar i Bundestag-ut dhe Anëtar i Grupit Parlamentar (AfD) dhe ambasadorja e Gjermanisë në Tiranë, Susanne Schütz.
Ndërsa nga ana e tij, Taulant Balla ka shprehur mirënjohje për delegacionin e Bundestagut ndërsa për situatën politike Balla tha se pasqyra më realiste e zhvillimeve në vend dhe ecurisë në kriteret kyçe të BE-së është raporti i Komisionit Europian, i cili bazohet në një metodologji të qartë vlerësimi.
“Këtë e them edhe për shkak se sapo jam kthyer nga një takim në Bundestagun gjerman, ku u diskutua me kolegët gjermanë mbi zhvillimet në Shqipëri dhe aspiratën tonë për çeljen e negociatave. Shpreh besimin për mbështetjen e Bunstagut dhe Gjermanisë në këtë proces historik që ndodhet Shqipëria atë të hapjes së negociatave me Bashkimin Europian" deklaroi Balla.
Duke folur për një nga kërkesat kryesore të BE-së që ishte Reforma në Drejtësi, Balla theksoi se kjo reformë nuk do të kishte avancuar në këto nivele pa mbështetjen e SHBA-së dhe Gjermanisë.
Ndërsa duke folur për zhvillimet më të fundit politike në vend, Balla i inforoi deputetët e Bundestagut gjerman lidhur me tentativën e Presidentit për të penguar zgjedhjet.
“Vendimi i Presidentit Ilir Meta është një akt politik pa asnjë rëndësi juridike. Nga debatet me të gjitha Grupet Parlamentare në Kuvendin e Shqipërisë është rënë dakort që ky vendim i Presidentit nuk pengon zgjedhjet”, shtoi Balla.
Ndërsa Renata Alt, anëtare e Bundestag-ut dhe zv/kryetare e Grupit Parlamentar (FDP) shprehu shqetësimin në lidhje me ndikimin Rus në partinë opozitare.
Lidhur me këtë Balla u shpreh se për ndikimin rus ka një hetim në SHBA dhe në Shqipëri lidhur me ndihmën prej 1 milion dollarë nga një kompani ofshore me pronarë dy oligarkë Rusë.
Ndërsa z. Hansjörg Müller, anëtar i Bundestag-ut dhe anëtar i Grupit Parlamentar (AfD) në fjalën e tij gjatë takimit ritheksoi mbështetjen kompakte të Bundestagut gjerman në tërësi për aspiratën europiane të Shqipërisë dhe u shpreh se do të raportojë në grupin e punës që trajton integrimin europian të vendeve të Ballkanit Perëndimor për mbështetjen dhe përshtypjet e tij.
Interesimit të z. Müller që pse Shqiptarët janë në shumicë 94% proeuropianë, Balla i’u përgjigj duke theksuar se “BE mbi të gjitha synon uniformitet në Politikën e Jashtme dhe aktualisht politika e Jashtme e Shqipërisë është 100% në përputhje me Politikën e Jashtme të BE-së dhe Gjermanisë”, tha Balla.
Komente
Lajme të tjera
-
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10 -
Samiti/ Rama: Një ditë afrimi i mëtejshëm me Europën, u mbështet fuqimisht plani ynë me KE për mbylljen e negociatave në fund të vitit 2027 (FOTOT)
19 Dhjetor, 09:00 -
Greqia: Mbështetja jonë për anëtarësimin e Shqipërisë në BE është e kushtëzuar, ne jemi rregullatorët e shpejtësisë
18 Dhjetor, 16:17 -
Dita Kombëtare e Diasporës/ Ministri Balla: Duhet t'i garantojmë çdo fëmije me prindër shqiptarë që të mësojë shqipen
18 Dhjetor, 16:07 -
EKSKLUZIVE/ Qeveria në lëvizje për të ndihmuar këngëtaren Parashqevi Simaku! Balla kontakte me Konsullatën në Nju Jork për t'i siguruar pasaportë
18 Dhjetor, 14:33
-
Dita Ndërkombëtare e Emigrantëve, Balla: Mirënjohje shqiptarëve që 33 vjet më parë u nisën në kërkim të një jete më të mirë
18 Dhjetor, 12:51 -
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
Integrimi/ Nesër Konferenca e Tretë e ndërqeveritare me BE-në, Rama kryeson delegacionin në Bruksel
16 Dhjetor, 08:56 -
Mali i Zi dhe Shqipëria përpara, të tjerët mbeten të bllokuar
16 Dhjetor, 08:39
-
‘Asnjë hap pas!’ Meloni-Opozitës: Gjadri do funksionojë, edhe nëse fle atje çdo natë! Marrëveshja e emigrantëve, ‘tmerri' i trafikantëve (VIDEO)
15 Dhjetor, 17:18 -
Shorti i Botërorit/ Prodani në ‘Studio Live’: UEFA gaboi me shortin e Shqipërisë, s’duhet t’i kemi frikë! Serbia ‘armiku ynë’, shans për të bërë histori! Seitllari: Duka rrudhi buzët
13 Dhjetor, 20:30
PA KUPTIM NDIKIMI RUS??? APO NDIKIMI NGA PARATE E PISTA DROGA TAHIRI BALLA GJIKNURI DAKO OSE RILINDJA DISINFORMIM I POPULLIT
Përgjigju