Burg për shpifjen, idea e Ramës
4 ditë pas raportit të zi të OSBE

TIRANE- Projektligji i Qeveris për ndryshimin e Kodit Penal, me qëllim kriminalizimin e shpifjes dhe dënimin me gjobë ose deri në 3 vite burg, duket se ka si zanafillë të tij, raportin jozyrtar të OSBE-së, i publikuar në datën 11 shtator. Dokument fliste për lidhje të mundshme të politikanëve shqiptarë me botën e krimit të organizuar, si dhe ngrinte pikëpyetje për pasuritë e deputetëve, ministrave, ish-ministrave dhe zyrtarëve të lartë shtetërorë, të fshehura në bankat e huaja. Raporti atakonte edhe kryeministrin Edi Rama dhe paraardhësin e tij, Sali Berisha dhe shumë deputetë.

Por, dokumenti nuk kishte prova të mjaftueshme për të argumentuar pretendimet dhe klasa politike, për herë të parë e unifikuar, e quajti shpifje. Vetë OSBE u shpreh se raporti ishte i hartuar mbi bazën e akuzave të mediave të shkruara dhe atyre elektronike. Nisur nga impakti që shkaktoi në opinionin publik një raport i tillë, pasi për herë të parë një ambasadë e huaj, apo përfaqësi diplomatike e një organizimi ndërkombëtar, akuzonte politikanët si të lidhur me krimin e organizuar, qeveria është shtyrë të marrë masa për t’i vënë kufi shpifjes, duke vepruar në kushtet e fshehtësisë së plotë. 

 

TAG:
• OSBE