POP 5

Lajmet më të lexuara të 5 minutave të fundit

Kosova & Rajoni

Burgim të përjetshëm për Mlladiç, shoqata në Kosovë thirrje SHBA dhe BE: Vuçiç dhe Brnabiç pasues ideologjik të tij, të shpallen ‘non grata’ mbështetësit e ‘Kasapit të Bosnjës’

Pas lënies në fuqi të dënimit me burgim të përjetshëm të Ratko Mlladiçit, qendra e “Gjenocidi në Kosovë plagë e hapur” i ka bërë thirrje SHBA dhe BE të shpallin “non grata” të gjithë përkrahësit e “Kasapit të Bosnjes”

Burgim të përjetshëm për Mlladiç, shoqata në Kosovë thirrje SHBA dhe BE: Vuçiç dhe Brnabiç pasues ideologjik të tij, të shpallen ‘non grata’ mbështetësit e ‘Kasapit të Bosnjës’

Foto ilustruese

Pas lënies në fuqi të dënimit me burgim të përjetshëm të Ratko Mlladiçit, qendra e “Gjenocidi në Kosovë plagë e hapur” i ka bërë thirrje SHBA dhe BE të shpallin “non grata” të gjithë përkrahësit e “Kasapit të Bosnjes”.

Përmes një postimi në rrjetin social Facebook, shoqata shkruan se Aleksander Vuçiç, Ivica Daçiç, Aleksander Vulin, Millorad Dodik, Ana Brnabiç dhe përfaqësues të institucioneve shtetërore dhe politike serbe dhe të atyre në Republikën Serbska në Bosnje, janë mentorët dhe pasuesit ideologjik të Ratko Mlladiçit.

Ata shprehen se megjithëse dënimi i Mlladiç ishte i vonuar, simbolizon simbolizon mesazh të qartë se gjenocidi është krim që nuk vjetërsohet.

“Është moment tejet i rëndësishëm që SHBA-të dhe BE-ja të shpallë “persona non grata” të gjithë mentorët, pasuesit ideologjik dhe mohuesit e gjenocidit, sepse heshtja e vendeve demokratike përballë kësaj arrogance që del në përkrahje të krimeve të kryera mund t’i inkurajojë që të përsërisin krimet.”, shkruhet në fund.

Dy ditë më parë, Gjykata e Kombeve të Bashkuara për Krimet e Luftës la në fuqi dënimin me burgim të përjetshëm për udhëheqësin ushtarak serb të Bosnjës Ratko Mlladiç i njohur ndryshe edhe si "Kasapi i Bosnjës", për rolin e tij në gjenocidin në Srebrenicë, rrethimin e Sarajevës dhe krime të tjera të luftës.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15