TIRANE - Një person është djegur sot në mbrëmje brenda një kabine elektrike në zonen e Kinostudios në periferi të Tiranës. Zjarrfiksja ka shkuar në vend-ngjarje pasi është njoftuar për një zjarr brenda kabinës në fjalë.

 

Gjatë ndërhyrjes punonjësit e zjarfikëses  kanë zbuluar trupin e pajetë.

Policia po punon për identifikimin e tij. 

Ngjarja ka ndodhur në rrugën "Muhamed Deliu" dhe nga të dhënat paraprake dyshohet se personi i vdekur ka qenë një i pastrehë.

Për shkak të kësaj ngjarjeje ka pasur një shkëputje të energjisë elektrike në disa zona të Tiranës.

Informacioni paraprak i policisë

Rreth ores 21:55, në rrugën “Muhamet Deliu”, pranë pallatit “Zaimaj”, brenda kabinës elektrike nga zjarri i shkaktuar është djegur plotësisht një shtetas i paidentifikuar.

Grupi hetimor po kryen veprimet ne vendngjarje dhe po punon për identifikimin e viktimes dhe sqarimin e plotë të rrethanave të ngjarjes.

zjarr ne tirane
s.k/Shqiptarja.com