'Burri e shfrytëzoi për prostitucion', zbardhen detaje nga vdekja e shqiptares 21-vjeçare në Itali! Prokuroria nis hetimin për 16 persona

Itali-Shqiptarja Sonila Cani u gjet e pajetë në moshën 21-vjeçare në mars 2021 në një apartament në via Pianezza në Torino dhe e vërteta e vdekjes së saj është ende mister.

Por pas shum kohësh hetime është zbardhur të paktën një çështje, ndër më të rëndësishmet. Bëhet fjalë për arsyen pse vdiq Sonila.

Sipas mediave italiane, prindërit e saj menduan se ajo ishte e lirë. Por nuk ishte në Itali, në vendin e ëndrrave. Ajo përfundoi duke u përdorur nga banda shqiptare që merrej me prostitucion.

Ajo u përpoq me të gjitha forcat të kundërshtonte skllavërinë pasi ishte edhe nënë e një djali 2 vjeçar. Çdo mbrëmje ajo telefononte prindërit e saj në Shqipëri për t'u treguar gjyshërve djalin që donte pa masë. Ndërsa gjyshërit ishin të pavetëdijshëm për ferrin që po kalonte.

Krim apo vetëvrasje?

Nuk dihet pse vdiq Sonila. Nëse ajo u vra, siç pretendonte i shoqi, apo nëse, siç hipotezoi prokurorja Valentina Sellaroli, ajo ishte detyruar të kryente vetëvrasje. Konteksti kriminal në të cilin ndodhi vdekja e saj tashmë është tashmë e qartë. Këtë e ka konfirmuar gjyqtarja hetuese Francecsa Pani, e cila, duke pranuar pjesërisht kërkesën e prokurorit, ka vendosur masën e sigurimit të sigurisë për pesë persona, nga 16 që hetoheshin për shfrytëzim prostitucioni dhe krime të tjera. Ka qenë vdekja e Sonilës që i ka çuar hetuesit në këtë pikë.

Po hetohet edhe bashkëshorti

Mes këtyre 16 të dyshuarve, të mbrojtur ndër të tjera nga avokatët Rocco Fermia, Manuel dhe Ëilmer Perga, është edhe bashkëshorti i Sonilës. Kreshnik Cani ishte hetuar tashmë nga prokuroria e Beratit, ku prindërit e vajzës, të ndihmuar nga avokatja Esmeralda Elmazi, kishin bërë kallëzim për zhdukjen e vajzës së tyre. Në Torino, Cani është nën hetim për nxitje për vetëvrasje dhe shfrytëzim prostitucioni. Por ajo që ndodhi atë pasdite të 21 marsit 2021, mbetet një mister. Sonila telefonoi prindërit e saj pas drekës. “Ajo ishte e gëzuar si gjithmonë”, pohon nëna e saj. Ata nuk e kanë parë që atëherë. Ka qenë bashkëshorti që ka gjetur trupin në banjë. Djali po flinte në dhomën e gjumit .

Versione të kundërta

Burri u tha fillimisht oficerëve në stacionin e policisë Dora Vanchiglie se gruaja e tij bëri vetëvrasje. Një muaj më vonë ai e ndryshon historinë e tij. 'Mendoj se e vranë. Ajo prostituoi veten. Ata u zemëruan me të sepse thanë se po spiunonte policinë. Nga shtëpia jonë ishin zhdukur edhe 17 mijë euro”, tha ai.

Sipas gjyqtarit hetues, burri nuk është i besueshëm. Për gjyqtarin, ndërsa do të konfirmohej se burri e detyroi gruan të shiste veten, nuk do të kishte prova të mjaftueshme për të mbështetur se ai e kishte nxitur atë të kryente vetëvrasje.

S.B/Shqiptarja.com

TAG:
• Kreshnik Cani
• Torino
• itali
• sonila cani