Ministri Bushati priti në një takim drejtuesen e Misionit Vëzhgues të OSBE/ODIHR-it, Ambasadoren Audrey Glover
Ministri i Punëve të Jashtme, z. Ditmir Bushati, priti në një takim Ambasadoren Audrey Glover
TIRANË, 2 Korrik /ATSH-Gjergji Mima/ - Ministri i Punëve të Jashtme, Ditmir Bushati, priti në një takim Ambasadoren Audrey Glover, e cila është në përfundim të Misionit Vëzhgues të OSBE/ODIHR-it për zgjedhjet vendore të 21 qershorit në Shqipëri.
Tema kryesore e takimit ishte mbarëvajtja e fushatës zgjedhore në mënyrë të rregullt dhe të qetë, gjë që dëshmoi përkushtimin dhe kujdesin e qeverisë shqiptare për të garantuar që dita e zgjedhjeve, procesi i numërimit të votës dhe mbarëvajtja e fushatës të kalojnë sa më mirë, ashtu siç edhe u premtua se procesi është më i rëndësishëm se sa rezultati.
Referuar Deklaratës së Gjetjeve dhe Përfundimeve Paraprake të OSBE/ODIHR-it të datës 22 qershor 2015, zgjedhjet vendore të 21 qershorit 2015 përbëjnë një arritje për standardet ndërkombëtare, si për shembull pjesëmarrja e gruas në të drejtën e votës dhe për t'u zgjedhur, apo prodhimi i posterave në gjuhët e pakicave kombëtare, sipas vendbanimit të zgjedhësve përkatës.
Në takim me ministrin Bushati, Kreu i Misionit Vëzhgues Zgjedhor, Ambasadorja Glover, falënderoi Ministrinë e Punëve të Jashtme për ftesën për të vëzhguar zgjedhjet, si dhe për bashkëpunimin dhe mbështetjen e dhënë gjatë kohëzgjatjes të vëzhgimit.
Misioni Vëzhgues Zgjedhor i OSBE/ODIHR-it e nisi veprimtarinë në vendin tonë më 15 maj 2015 dhe kishte në përbërje 16 ekspertë që punuan në Tiranë dhe 20 vëzhgues afatgjatë të shpërndarë në 10 vende, nëpër të gjithë Shqipërinë. Gjatë ditës së zgjedhjeve, u punësuan rreth 200 vëzhgues, përfshirë 24 anëtarë të delegacionit që përfaqësojnë 15 shtete nga Kongresi i Autoriteteve Vendore dhe Rajonale të Këshillit të Evropës. Gjithsej, kanë marrë pjesë 32 vëzhgues nga shtetet pjesëmarrëse të OSBE-së. /a.ke/
Lajme të tjera
-
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
'Mashkull, femër apo të tjera', OSBE flet për sondazhin: E konsultuam me Kuvendin
29 Tetor, 09:18
-
Fitorja e partisë proruse, Presidentja e Gjeorgjisë thotë se nuk e njeh rezultatin e zgjedhjeve
27 Tetor, 22:27 -
'Mashkull, femër apo të tjera, çfarë gjinie je?', Tritan Shehu denoncon 'sondazhin' e OSBE-së për deputetët: Fyes, refuzoj ta plotësoj
24 Tetor, 20:21 -
Prapaskenat e garës për sekretarin e Përgjithshëm të OSBE, Shqipëria me kandidaturën e Igli Hasanit mund rivalin turk! Si do zgjidhet në Vjenë
26 Shtator, 17:15 -
Pas Celibashit, ambasadori i OSBE-së në Shqipëri takohet me Presidentin Begaj
7 Qershor, 21:05 -
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59 -
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51 -
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45 -
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56
