Ministri Ditmir Bushati iu përgjigj pyetjes së një gazetareje, bërë sot në mesditë në konferencën e përbashkët për shtyp me ministren e Jashtme kroate, Marija Pejçinoviç Buriç

Një lajm i mirë do të vijë për të gjithë shqiptarët që jetojnë në Greqi në javët në vijim. Ministri për Evropën dhe Punët e Jashtme njoftoi se në javët në vijim do të bëhet njohja e ndërsjelltë e lejeve të drejtimit të automjeteve.

 "Puna e përbashkët po vazhdon. Greqia para pak ditësh njoftoi tërheqjen nga rezerva e vulës apostile çka i kursen shqiptarëve 6.7 milione euro në vit. Në javët në vijim do të kemi një tjetër lajm pozitiv për të cilin po punojnë ministritë respektive. Njohjen e ndërsjelltë të lejeve të drejtimit të automjeteve. Një proces që do çlirojë energji pozitive ndërmjet dy vendeve tona”, është shprehur ministri Bushati.

bushati

bushati
(Ditmir Bushati në konferencën e përbashkët me ministren e Jashtme kroate, Marija Pejçinoviç Buriç)

e.gj/Shqiptarja.com