Ministri kroat vlerësoi angazhimet që ka ndërmarrë qeveria shqiptare në përmbushjen e reformave kyç në vend duke u ndalur veçanërisht tek reforma në drejtësi, si dhe shprehu mbështetjen e qeverisë kroate për hedhjen e hapit të radhës, atë të çeljes së negociatave për anëtarësim.
Lidhur me zhvillimet e fundit në rajon, bashkëbiseduesit u shprehën se dy vendet kanë një peshë specifike dhe kontribut të vyer në forcimin e stabilitetit, sigurisë, konsolidimin e progresit demokratik të Ballkanit.
Ministri Bushati u prit në takime të veçanta nga kryeministri Andrej Plenković dhe Kryetari i Parlamentit, Božo Petrov.
Gjatë takimeve u diskutua mbi thellimin e miqësisë tradicionale mes dy vendeve tona, intensifikimin e shkëmbimeve tregtare, ndërlidhshmërinë në Europën Adriatike dhe zhvillimet më të fundit në rajon.
Palët evidentuan rolin e veçantë që kanë Shqipëria dhe Kroacia si vende anëtare të NATO-s dhe kontributin që japin në perspektivën euro-atlantike të vendeve të rajonit tonë.
dy.b/shqiptarja.com