POP 5

Lajmet më të lexuara të 5 minutave të fundit

Politikë

Ministri i Jashtëm gjerman pret Bushatin: Shqipëria partner i rëndësishëm! Vijoni me reformat, keni mbështetjen tonë të plotë!

Ministri për Evropën dhe Punët e Jashtme, Ditmir Bushati ndodhet në Gjermani ku zhvilloi një takim me Ministrin e Jashtëm gjerman Haiko Maas.
Ministri i Jashtëm gjerman pret Bushatin: Shqipëria partner i rëndësishëm! Vijoni me reformat, keni mbështetjen tonë të plotë!

Ministri për Evropën dhe Punët e Jashtme, Ditmir Bushati takim me Ministrin e Jashtëm gjerman Haiko Maas.

Ministri për Evropën dhe Punët e Jashtme, Ditmir Bushati ndodhet në Gjermani ku zhvilloi një takim me Ministrin e Jashtëm, gjerman Haiko Maas. Ministrat diskutuan mbi marrëdhëniet e shkëlqyera mes dy vendeve dhe kontributin e madh që Gjermania ka dhënë për Shqipërinë dhe perspektivën e saj të integrimit në Bashkimin Evropian. Në këtë kuadër u ra dakord që axhenda të vijojë me intensitet të plotë. 

Ministri Bushati falënderoi Gjermaninë për qëndrimin e qartë për sa i takon vendimmarrjes së fundit të BE-së.

Rruga jonë është e qartë për sa i përket 2019-s dhe 12 muajt e ardhshëm do t'i shfrytëzojmë maksimalisht duke punuar ngushtësisht me Komisionin Evropian për procesin “screening.

 Ditmir Bushati

Ministri Maas nënvizoi se Shqipëria është një partner i rëndësishëm dhe spirancë stabiliteti. Duke vlerësuar reformat e ndërmarra nga Shqipëria si impresionuese dhe shembull për rajonin sa i takon reformës në drejtësi, ai shtoi se

Është vendimtare që kjo rrugë të vazhdojë.

Haiko Maas

Ndërsa u bëri thirrje aktorëve politik në vend të mbështesin këto reforma të rëndësishme për vitin 2019. Ministri Maas shprehu bindjen se integrimi i Ballkanit Perëndimor në Bashkimin Evropian është në interesin e kësaj të fundit për të shmangur shtrirjen e ndikimit të forcave të treta në rajon. 

Të dy ministrat u ndalën dhe tek siguria dhe klima me të cilin përballet Ballkani Perëndimor dhe roli i Shqipërisë si faktor paqeje dhe stabiliteti.

Për ministrin Bushati, klima e sigurisë në rajon do të vijë vetëm duke u përmirësuar për sa kohë që perspektiva evropiane e rajonit është e qartë dhe konkretizohet nga instrumente dhe veprime konkrete. Ministrat Bushati dhe Maas u ndalën dhe tek bashkëpunimi në kuadër të OSBE-së si dhe për shkollën e magjistraturës.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Eduard Shalsi nis ‘punën’ si drejtues politik: PS do ta transformojë Kukësin si gjithë Shqipërinë

Eduard Shalsi nis ‘punën’ si drejtues politik: PS do ta transformojë Kukësin si gjithë Shqipërinë

10 Janar, 16:48 nga Benet Beqiri