Butrinti, fjala e pambajtur e
Kryeministrit Berisha: Ja video

Gjatë bisedës në emisionin “Log” të kolegut Artur Kopani në prag të sezonit veror të vitit 2010, kryeministrin Berisha e kam pyetur për kalvarin e të shkuarit në Butrint e Apolloni, si dy site arkeologjike të njohura jo vetëm në Shqipëri por dhe në botë. Në një kohë që për Apolloninë nuk duket ende në horizont zgjidhja e rikonstruktimit dhe moderizimit të rrugës, për Butrintin problemi ishte ndryshe. Megjithëse rinkontruktimi i rrugës Kanali i Çukës – Butrint, afër 13 km, nisi punimet në vitin 2007, deri në momentin kur u pyet shefi i qeverisë në atë emision, segmenti ishte në punime. Ishte hedhur asfalti në pjesën më të madhe, por për drejtuesit e automjeteve kishin mbetur problematike dy segmente, jo më shumë se 1.5 km të dyja, që ishin në gjendje të mjeruar. Kalimi mbi to krijonte pluhur dhe bëhej rrezik për aksident, pa llogaritur amortizimin e dëmin për gomat nga gurët dhe gungat. Kur kjo atmosferë ju përshkrua kryeministrit gjatë emisionit, ai premtoi se ky aks rrugor do të përfundonte për sezonin veror...