POP 5

Lajmet më të lexuara të 5 minutave të fundit

Kronikë

Butrinti 'nuk braktiset', turistë nga Kosova, Maqedonia e Veriut, Bullgaria e Polonia

Është koha e vështirë për turizmin, por parku arkeologjik i Butrintit nuk është braktisur. Pavarësisht se fluksi i vizitorëve nuk mund të krahasohet me vitin e kaluar, Butrinti mbetet një ndër pikat turistike më të preferuara për t'u vizituar edhe në kohë pandemie.

Qyteti antik i Butrintit ndryshe nga sajtet e tjera arkeologjike që janë krejtësisht të boshatisura, po pret disa turistë. Ata janë kryesisht shqiptarë të Kosovës, por edhe turistë nga Maqedonia e Veriut, Bullgaria e Polonia. Fluksi më i lartë shënohet në fundjavë, thotë drejtori Erlind Sulo.

"Kemi shqiptarët e Kosovës që dynden në fundjavë dhe Butrinti është një nga atraksioni që ata e kanë përzemërt. Duke parë fluksi po rritet, ministria e kulturës ka lancuar nismën e diela falas. Të dielën e kaluar u shënua numri më i lartë që par pandemisë me 1100 vizitorë", tha Drejtori i Parkut Kombëtar Butrint, Erlind Sulo.

Turistët kryesorë të Butrintit janë shqiptarët e Kosovës, maqedonasit, bullgarët e polakët.

"Situata në parkun e Butrintit është premtuese. Kanë ardhur vizitorë me kombësi të ndryshme por kryesisht nga Ballkani dhe Europa Lindore", theksoi Sulo.

Ndryshe nga drejtori i qytetit antik, një taksist shprehet se puna ka rënë. 

"Sot rruga e parë që kam bërë nga Ksamili në Butrint. Vjet ishte shumë mirë s'ka lidhje me këtë vit", u shpreh taksisti.

Butrinti u shpall qytet muze më qershor 1961 dhe është vlerësuar si pasuri e trashëgimisë së njerëzimit. Ai mbrohet nga UNESCO që nga viti 1992.

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

VIDEO-LAJM/ Uzuni përshëndet me postim fansat e ekipit të ri Austin në spanjisht: Shihemi së shpejti në stadium!

VIDEO-LAJM/ Uzuni përshëndet me postim fansat e ekipit të ri Austin në spanjisht: Shihemi së shpejti në stadium!

24 Janar, 20:34