Buxheti 2014, fokusi mbi
ndihmën sociale e mjedisin

TIRANE- Dje në mbledhjen e kryetarëve të Kuvendit, Ministri i Financave, Shkëlqim Cani, prezantoi buxhetin e vitit 2014. Në fjalën e tij kreu i Financave, u shpreh se “në përgatitjen e buxhetit të ri nuk presim mrekulli, por presim realizëm, disiplinë të fortë fiskale dhe buxhetore, ndryshim mentaliteti në përdorimin e fondeve publike, përgjegjësi dhe transparencë”. Ky buxhet ka mbështetjen e plotë të institucioneve finaciare si FMN-ja dh BB-ja, gjë që e bën atë më të sigurtë për të garantuar stabilitetin makroekonomik, si edhe një zhvillim të qendrueshëm.

Në bazë të këtij buxheti parashikohen 364 miliardë lekë të ardhura dhe 456 miliardë shpenzime, duke e bërë këtë, buxhetin me shpenzimet më të mëdha në histori, ku 1/4 e tij financohet nga borxhi. Ndërkaq kjo skemë parashikon një dimension social, ku në thelb janë ndihma sociale dhe mjedisi, zëra këto që kanë rritjen më të mëdha të fondeve të krahasuara me buxhetin e vitin 2013.

Për zërin “Mbrojta e Mjedisit”, në buxhetin e vitit 2014, prashikohet një fond prej 1.5 miliardë lekë ose 7.6 milionë lekë më shumë se në buxhetin e kaluar. Për zërin “Mbrojten sociale” parashikohen të vihen në dispozicion 127 miliardë lekë ose 8.4 miliardë lekë më shumë se sa në vitin 2013. Gjithashtu një nga prioritetet e këtij buxheti është edhe shlyerja e borxheve ndaj sipërmarrjeve, i cili është një zë i ri për sa i përket hartimeve të buxheteve të viteve të mëparshem, i cili është 35 miliardë dollarë. Pritet që borxhet të shlyhen menjëherë sa të fillojë viti 2014.

Shëndetësia
Në buxhetin e vitit 2014, për skemën e sigurimeve shëndetësore parshikohet një fond prej 32.9 miliardë lekësh. Sipas të dhënave pritet që skema aktuale e sigurimit shëndetësor të rritet me 3%. Në llogaritje është marrë parasysh edhe zbritja e TVSH-së në masën 30% për barnat, e cila do të eliminohet duke filluar nga data 1 prill 2014. Ndër të tjera, fondi prej 1.5 miliardë lekë është vënë në dispozicion për mundësuar shërbime prioritare si furnizim më të mirë me barna për shërbimin e kadiologjisë dhe onkologjisë, si edhe diagnostikimin falas për grup moshën 40-65 vjeçare. Të gjitha këto priten të zbatohen në vitin 2014, duke përmbushur kështu premtimet e Qverisë aktuale.

Kategoria	2014	2013	Ndryshimi PB2014-B2013	PB2014	B2013	Ndryshimi PB2014-B2013
Mbrojtja e Mjedisit	1,511,762	752,000	759,762	0.33%	0.18%	0.15%
Argëtimi, Kultura dhe Çështjet Fetare	2,127,500	2,295,625	-168,125	0.46%	0.56%	-0.10%
Mbrojtja	12,211,000	12,464,500	-253,500	2.66%	3.04%	-0.39%
Rendi dhe Siguria Publike	22,540,309	21,965,150	575,159	4.61%	5.51%	-0.90%
Strehimi dhe Komoditetet e Komunitetit	21,180,137	22,563,929	-1,383,792	4.90%	5.36%	-0.46%
Shërbimet e Përgjithshme Publike	26,433,712	23,664,658	2,769,054	5.75%	5.78%	-0.03%
Shëndetësia	38,708,500	37,032,140	1,676,360	7.92%	9.87%	-1.95%
Arsimi	40,041,550	39,093,100	948,450	8.42%	9.04%	-0.62%
Çështjet Ekonomike	36,386,411	40,414,564	-4,028,153	8.71%	9.54%	-0.83%
Shpenzime të tjera të paklasifikuara	131,355,000	90,638,600	40,716,400	27.65%	28.98%	-1.33%
Mbrojtja Sociale	127,069,640	118,709,690	8,359,950	28.58%	22.13%	6.45%

 
Shkrimi u publikua sot (17.12.2013) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com