Buxheti 2022, Rama: 1 miliard lekë më shumë subvencionim i qirasë për tërmetin

Ndërtesë e shembur nga tërmeti i 26 nëntorit në Durrës

Qeveria do të akordojë 1 miliard lekë më shumë subvencion të qirave për tërmetin në buxhetin e vitit 2022. Kështu bën me dije kryeministri Edi Rama, një ditë para kujtimit të tërmetit 26 nëntorit të vitit 2019, i cili tronditi vendin me epiqendër Durrësin, pasojat e të cilit janë evidente edhe sot.

“1 miliard lekë më shumë subvencionim i qirasë për tërmetin. Buxheti 2022. Shqipëria e ardhmja jonë“, thuhet në postimin e kryeministrit në Facebook.

Një ndër fokuset e programit së Qeverisë 'Rama 3' do jetë rindërtimi, ndërkohë që synimi i kryeministrit është që në pranverën e 2022 të jetë zhdukur çdo gjurmë e tërmetit.  Kujtojme që edhe ënë mbledhjen e dytë të Këshillit të Ministrave, qeveria i kaloi Fondit Shqiptar të Zhvillimit3 miliardë lekë për rindërtimin.

Më 15 shtator, kryeministri Edi Rama prezantoi programin qeverisës, ku pikat kryesore për rindërtimin ishin:

-4500 banesa të reja individuale do të përfundojnë, duke strehuar të gjithë banorët që humbën shtëpitë e tyre.

-13 mijë familjet që po trajtohen aktualisht me bonus qiraje do të vijojnë të marrin bonusin dhe përfitimet e tjera deri në ditën që do t’u dorëzohen çelësat e shtëpisë së re në dorë.

-12 mijë apartamente në lagjet e reja do të jenë ndërtuar duke strehuar t,ë gjithë familjet që humbën apartamentet e tyre.

-28 kantiere të reja të infrastrukturës publike do të kenë përfunduar deri në pranverën e vitit 2022.

-Shkollat e reja po ngrihen shumë më të forta, shumë më moderne dhe për t’iu përgjigjur nevojave të kohës.

-Brenda pranverës 2022 përfundon rehabilitimi dhe ndërtimi i mbi 160 çerdheve, kopshteve, shkollave e konvikteve.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Takimi i 7 mes dy qeverive Shqipëri-Kosovë dhe 16 marrëveshjet e nënshkruara i konsideroni:



×

Lajmi i fundit

John

Fundi i ‘epokës’ së Merkel, kancelarja ‘e hekurt’ do të përcillet me këngë lamtumire