Bylykbashi kërkoi dokumente shtesë, Majko: Është filtruar edhe nga ndërkombëtarët! S’është figurë e panjohur

 

Oerd Bylykbashi, nga Komisioni i Rithemelimit ka kërkuar dokumente konkrete sa i përket figurës së kandidatit për president Bajram Begajt. Përgjigja i ka ardhur nga Pandeli Majko, i cili tha se Begaj ka kaluar në filtrat e ndërkombëtarëve të NATO-s.

“Më lejoni t’ju përgëzoj që keni ardhur, po flasim për një kandidaturë jo anonime, po flasim për një njeri që deri para disa orësh mbante postin e Shefit të Shtabit, ai kalon disa filtra më shumë se presidenti, Shqipëria është anëtare e NATO dhe ai që është shef i shtatit ka dhe një investigim nga partnerët, janë shumë të njohura ato për të cilat për dikë tjetër mund të ishin të panjohura, kemi të bëjmë me një figurë që i ka kaluar të gjitha filtrat. Ngrihuni në nivelin që unë e konsideroj një surprizë pozitivë, fakti që Meta nuk e ka pasur të domosdoshme të firmoste ndonëse ishte jashtë vendit dhe zhbllokoi pengesën për të kaluar në Kuvend, ai nuk është një dashamirës i mazhorancës, kemi të bëjmë me një personalitet dhe kandidat që duhet të largojë dyshimet me të kaluarën e tij dhe mënyrën se si është filtruar. Ne nuk po çojmë shefin e shtatit në zyrën e presidentit, ne po çojmë individin, që ka qenë shef I shtabit, prandaj duke mirëkuptuar pozicionin tuaj politik, ju ftoj që ta votoni”, tha Majko.

LEXO EDHE:
PD 2 amendamente për SPAK : Prokurorët të kenë ndihmesa! Tahiri u lirua në Elbasan, vendimet t’i japë vetëm GJKKO

Lajmi kryesor:

'Ligjet' japin 'OK' për Bajram Begaj: I plotëson kriteret! Mungon grupi i Alibeajt! Bylykbashi: Ta kishit liruar nga detyra para se ta propozonit

B.K./r.k./Shqiptarja.com

TAG:
• Komisioni i ligjeve
• PD
• PS
• zgjedhja e presidentit te ri
• Bajram Begaj