POP 5

Lajmet më të lexuara të 5 minutave të fundit

Politikë

Bylykbashi: Për Ramën, ligjet
e shtetit nuk ekzistojnë

Deputeti i Partisë Demokratike Oerd Bylykashi, deklaroi se në Standardin e Edi Ramës “ligjet e shtetit nuk egzistojnë”.
Bylykbashi: Për Ramën, ligjet<br />e shtetit nuk ekzistojnë
TIRANË - Deputeti i Partisë Demokratike Oerd Bylykashi, deklaroi se në Standardin e Edi Ramës “ligjet e shtetit nuk egzistojnë”. Duke iu referuar punimeve të nisura në fasadën e Kryeministrisë, teknikë e Ramës për të fshehur mbushjen e xhepave, deputeti Bylykbashi i ka drejtuar sot disa pyetje zotit Rama, përgjigjia e të cilave s’bën gjë tjetër veçse vërteton faktin, se kryeministri i vendit respekton apo jo ligjet e vendit dhe a ka konflikt interesi në shërbimin ndaj tij.

“Cili akt i Kryeministrit si titullar institucioni ka autorizuar kryerjen e punimeve, blerjen e mallrave dhe shërbimeve?

Me cilin akt janë nxjerrë jashtë përdorimit sendet e Kryeministrisë që po zëvendësohen?

Nëse është dhurim, a ka një propozim për dhurim?

Nga kush është bërë, ku dhe kur është protokolluar?

Një dhurim duhet pranuar me akt-marrëveshje. Kur është bërë ky akt?

A janë përcaktuar në të gjitha specifikimet e mallrave dhe shërbimeve që po i dhurohen?

Firma që ofron dhurimin duhet të lëshojë faturë me TVSH e t'ia dorëzojë Kryeministrisë që të përcaktohet vlera e sendeve dhe shërbimeve që merren në dorëzim si dhuratë? Transparenca për donatorët është e padiskutueshme, që më pas, të dinë qytetarët, a po marrin ndonjë tender apo konçension këta donatorë? Sepse nëse po, a ka ushtruar Kryeministri influence të paligjshme për t'i shlyer atyre borxhin moral apo politik? Nëse i jep këto favore, kjo nuk është me donacion, por konflikt interesi, favorizim në tendera e shkelje të tjera të ligjeve, edhe atij penal”, pyeti deputeti Bylykbashi. I bindur se ashtu  si deri më sot Edi Rama nuk ka për të dhënë asnjë përgjigje për ligjshmërinë e veprimeve të tij, deputeti Bylykbashi theksoi se, një Kryeministër antiligj, ka marrë në dorë shtetin.

Shkrimi u publikua sot (24.09.2013) në gazetën Shqiptarja.com (print)

Redaksia Online
(a.ç/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

112-vjetori i Pavarësisë/ Ceremonia e ngritjes së flamurit në Shkodër

112-vjetori i Pavarësisë/ Ceremonia e ngritjes së flamurit në Shkodër

28 Nëntor, 13:46