Bypassi i Shkodrës mbetet pezull, Kreu i ARRSH Qendro: Bashkia s’hap dritën jeshile për projektin e ri

Prej pesë vitesh janë ndërprerë punimet në bypassin e Shkodrës. I pyetur për këtë ngërç, drejtori i ARSH Afrim Qendro tha se fondet janë pezull, pasi u hodh poshtë projekti i parë, i cili gjeti mosdakordësinë e komunitetit, ndërsa për projektin e ri, Bashkia Shkodër nuk po hap dritën jeshile.

Jemi në një ngërç që kryetarja e bashkisë  Shkodër përfundimisht duhet të shprehet nëse është dakord me projektin e ripunuar për të cilin ka rënë dakord në zyrën time. Jemi para dy alternativave , ose të vazhdojmë projektin, ta mbarojmë këtë objekt me përmirësimin që i kemi bërë ose të mbyllim kontratën, sepse buxheti i shtetit, ministria e transporteve  ka parashikuar fonde për këtë by pass. I bëj thirrje kryetares së bashkisë Shkodër të bashkëpunojë me autoritetin dhe përfundimisht ti japin zgjidhje këtij ngërçi.

Afrim Qendro, Drejtor i ARRSH

I menjëhershem ka qenë reagimi i Kryebashkiakës së Shkodrës Voltana Ademi. Ajo është shprehur se drejtori i ARRSH genjen, pasi sipas saj, bypasi i Shkodrës është i ndarë në lot dhe loti i dytë akoma nuk ka një projekt definitive nga ARSH. Ndër të tjera Voltana Ademi ka thënë se ka akoma shumë pronarë, të cilët nuk janë shpronësuar.

Këtë fakt e ka pranuar edhe vetë drejtori i ARRSH, Afrim Qendro. Ndërsa faji i hedhur sa në bashki e sa tek autoriteti i rrugëve nuk dihet se kur do të marrë fund, në mënyrë që të nisin punimet për përfundimin e projektit në bypasin e Shkodrës. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po menaxhohet si duhet situata me zjarret në vend?



×

Lajmi i fundit

20 punët më të paguara në botë

20 punët më të paguara në botë