Receta

Byrek me petë sfoliatë me kunguj, djathë dhe domate nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 5 Maj 2023, 11:30 | Përditesimi: 5 Maj 2023, 11:32

Byrek me petë sfoliatë me kunguj, djathë dhe domate

Përbërësit:

1 petë sfoliatë
1 kubik gjalpë
200 gr proshutë të tymosur
2 kunguj të njomë
2 feta djathë
100 gr djathë parmixhano
100 gr pana
4 kokrra vezë
Domate qershi

Përgatitja:

LEXO EDHE:
Pulë me oriz në furrë nga zonja Albana

Për të përgatitur byrekun me petë sfoliate, fillimisht shkrijmë në një tigan gjalpin dhe skuqim proshutën e tymosur për disa minuta. Ndërkohë i presim në feta kungulleshkat dhe i shtojmë tek proshuta, i ziejmë për 10 minuta në tiganin e mbuluar me kapak, në mënyrë që kungujt të zbuten mirë. Shtojmë kripë sipas shijes, e largojmë nga zjarri dhe e lëmë të ftohet.

Në një tas rrahim vezët, shtojmë djathin parmixhano, panën dhe fetat e holla të prera të djathit. Përziejmë masën dhe e shtojmë tek kungujt.

Vendosim petën sfoliatë në një tavë tartash me letër pjekje, e shpojmë me majën e pirunit vende-vende. Shtojmë mbushjen, e hapim mirë dhe me pas sistemojmë anësoret e petës sfoliatë. E dekorojmë byrekun me copëza domatesh dhe e vendosim të piqet në furrë të parangrohur në temperaturën 180°C për rreth 30 minuta. Pasi të jetë pjekur e lemë për rreth 15 minuta të ftohet dhe më pas e shërbejmë.

MC/Shqiptarja.com

TAG: