Cakaj homazhe në varrin e Adem Jasharit: Pavarësia u shpall në Vlorë, por historia e vonë është vendosur në Prekaz

Në 108 vjetorin e Ditës së Flamurit, datë që përkon edhe me ditën e lindjes së Komandantit legjendar të UÇK-së Adem Jashari, Ministri në detyrë për Evropën dhe Punët e Jashtme, Gent Cakaj, vizitoi Kompleksin e Memorialit të Adem Jasharit, në Prekaz të Drenicës.

Kryediplomati Cakaj kreu homazhe tek varret e Adem Jasharit, Hamza Jasharit dhe anëtarëve të tjerë të familjes Jashari, vend i cili nëpërmjet fakteve konkrete flet për rrjedhën e luftës para 18 vjetëve dhe rezistencën e bërë nga kjo familje heronjsh në përballje me ushtrinë dhe policinë serbe.

“28 nëntori nuk është thjeshtë festë kombetarë. 28 nëntori është dita e kujtimit të rrugëtimit historik si komb dhe nderimit të të gjithë brezave që me punën e tyre kanë shënuar historinë e Shqiperisë dhe shqiptarëve. Pavarësia e Shqipërisë është shpallur në Vlorë, por historia e vonë e gjithë shqiptarëve është vendosur në Prekaz. Për më shumë, sot festojmë edhe ditëlindjen e Komandatit Legjendar, Adem Jashari, i cili u flijua heroikisht bashkë me familjen e tij për Kosovën dhe shqiptarinë.” - u shpreh Cakaj.

Lajmi kryesor:

Nëntori i dytë i pazakontë/ Sot 108 vite nga shpallja e Pavarësisë! Meta, Ruçi dhe Rama në Vlorë! Kryeministri: Gëzuar për Thaçin dhe luftëtarët e tjerë të UÇK

TAG:
• edi rama
• Ilir Meta
• Dita e pavaresise
• 28 nentori
• Avdullah Hoti
• koronavirusi ne shqiperi
• festa e flamurit
• 108 vjetori i Pavarësisë