Sot në Paris u zhvillua sesioni i 40-të i Konferencës së Përgjithshme së Organizatës për Edukim, Shkencë dhe Kulturë i Kombeve të Bashkuara.
Gjatë Konferencës u diskutua veçanërisht për çështje që lidhen me rëndësinë e edukimit dhe trashëgimisë kulturore e historike, në zhvillimin e shoqërive të hapura dhe prosperuese.
Ministri Cakaj konfirmoi në fjalën e tij se Shqipëria mbështet reformat e ndërmarra nga UNESCO për modernizimin dhe transformimin strategjik të organizatës, në mënyrë që të përmbushë, të mbrojë dhe të promovojë në mënyrë edhe më efektive parimet themelore të saj, bën të ditur zyra e shtypit e ministrisë.
Duke besuar fort në angazhimin global, për përballimin e sfidave, Ministri Cakaj parashtroi në Konferencë kontributin dhe përkushtimin e plotë që Shqipëria jep në vetë sistemin e OKB, përfshirë UNESCO-n, për një botë më të mirë, më të paqtë dhe më të sigurtë, edhe nëpërmjet edukimit, komunikimit, ruajtjes dhe zhvillimit të vlerave e trashëgimisë kulturore, kombëtare e ndërkombëtare.
Nëpërmjet një reagimi në facebook sa i takon çështjes së anëtarësimit të Republikës së Kosovës në UNESCO Ministri Cakaj ka theksuar: “Nënvizuam domosdoshmërinë e patjetërsueshme të anëtarësimit të Republikës së Kosovës në UNESCO! Denoncuam fushatën dezinformuese të Serbisë ndaj Kosovës dhe e bëmë të qartë edhe njëherë: Shqipëria do të vazhdojë punën e pakursyer për anëtarësimin e Republikës së Kosovës në UNESCO!”.
Cakaj u shpreh se refuzimi i aplikimit të Kosovës ishte një gabim historik.
“Mbledhja e sotme do të ishte më e pasur dhe më e plotë nëse Republika e Kosovës do të ishte e pranishme sot. Shqipëria nuk do të kursejë asnjë përpjekje drejt rrugës së anëtarësimit të Kosovës në UNESCO. Ky është një realitet që mund të shtyhet, por asnjëherë të shmanget", - theksoi kreu i diplomacisë shqiptare.
Lajme të tjera
-
Vuçiç mesazh kërcënues: Jeta është luftë, Serbia do të fitojë
24 Nëntor, 12:42 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kosovë-Shqipëri përmbyllin edicionin e tretë të Javëve Kulturore Ndërkombëtare! Zbuloni aktivitetet që do të organizohen nga data 21 deri më 30 Nëntor
20 Nëntor, 19:06 -
Takimi i G20, përparësi ndryshimet klimatike dhe ulja e varfërisë
20 Nëntor, 16:06
