Grupet parlamentare të socialdemokratëve, CDU/CSU, Të Gjelbërve dhe liberalëve të FDP kanë rënë dakord për këtë datë. Datën e zgjedhjeve parlamentare pritet ta konfirmojë Presidenti i Gjermanisë.
Zgjedhjet e parakohshme parlamentare në Gjermani pritet të mbahen mbahen më 23 shkurt. Për këtë kanë rënë dakord grupi parlamentar i SPD dhe CDU/CSU, u bë të ditur të martën nga burime parlamentare të partive.
Kancelari Olaf Scholz (SPD) kishte propozuar fillimisht, pas prishjes së koalicionit tripartiak, një datë të re zgjedhjesh jo më vonë se fundi i marsit, ndërsa kreu i CDU-së Friedrich Merz donte që zgjedhjet të mbaheshin në janar.
Tani drejtuesit e CDU/CSU, SPD, të Gjelbrit dhe FDP kanë rënë dakord t'i propozojnë 23 shkurtin 2025 Presidentit Federal Frank-Walter Steinmeier, si datë të re për zgjedhjet. Presidenti Federal nuk pritet të kundërshtojë këtë propozim. Steinmeier u shpreh në mbështetje të zgjedhjeve të parakohshme. Ai zhvilloi bisedime me të gjitha palët ditët e fundit.
Dakordimi mes socialdemokratëve dhe partive unioniste
Këtë e mësuan disa agjenci lajmesh, ndër to ARD, dpa, Reuters dhe Afp, nga grupet parlamentare.
Baza ishte si duket një marrëveshje midis SPD dhe CDU/CSU, pasi kreu i CDU-së Friedrich Merz hoqi dorë të hënën nga kërkesa e tij, që zgjedhjet të mbahen në 19 janar.
Kancelari Olaf Scholz (SPD) nga ana e tij kishte braktisur propozimin e tij fillestar për të organizuar zgjedhje të reja jo para marsit. Sipas burimeve të brendshme, këtë propozim e mbështesin edhe FDP dhe të Gjelbrit.
Kjo sjell qartësi për një nga datat pas shpërbërjes së koalicionit trepartiak. Mbetet për t'u parë se kur do të kërkojë kancelari Olaf Scholz votëbesimin në Bundestag. Sipas burimeve të ARD, Scholz pritet ta kërkojë votëbesimin në 16 dhjetor. Humbja e pritshme e votëbesimit hap rrugën për zgjedhjet e reja të parakohshme. CDU/CSU i kishte kërkuar Scholz-it ta kërkonte të mërkurën (13.11.) votëbesimin, gjë që ai refuzoi ta bënte. Nesër kancelari Scholz do të mbajë një deklaratë të posaçme qeveritare.
Zgjedhjet në shkurt - të realizueshme nga ana organizative
Zgjedhjet në shkurt ofrojnë hapësirë të mjaftueshme për organizimin e tyre. Kryetarja e Komisionit të Zgjedhjeve, Ruth Brand tha sot (12.11.) në një seancë të posaçme të komisionit të shqyrtimit të zgjedhjeve të Bundestagut se i konsideronte datat e shkurtit si "shumë të realizueshme për sa i përket sigurisë ligjore". Sipas saj, mbajtja e zgjedhjeve ishte “e menaxhueshme”. Ajo më parë kishte shprehur me një letër publike rezerva për datën e janarit.
Këto zgjedhje të reja mbahen pas shpërbërjes së koalicionit tripartiak mes SPD të Gjelbërve dhe FDP-së javën e kaluar (06.11.). Kancelari Olaf Scholz liroi nga detyra ministrin e Financave, Christian Lindner (FDP), duke i dalë përpara braktisjes së koalicionit prej liberalëve të FDP. Pas kësaj, FDP u largua nga koalicioni që e qeveris Gjermaninë që prej dhjetorit 2021./DW
Lajme të tjera
-
Pas kritikave të shumta, Scholz mbron vendimin për telefonatën e tij me Putinin
17 Nëntor, 16:39 -
Kancelari Scholz: Biseda telefonike me Trump, e detajuar! Folëm gjatë për Ukrainën, ai mendon ndryshe nga sa perceptohet në Europë
16 Nëntor, 17:42 -
Biseda telefonike midis Putin-Scholz, analistët ushtarakë: Kremlini intensifikon fushatën për të ndikuar në vendimmarrjen perëndimore në favor të Rusisë
16 Nëntor, 09:43 -
Qeveritë në Paris dhe Berlin mbeten pa para
16 Nëntor, 09:29 -
33 vjeçari i dha fund jetës në Gjermani, mbërrin në Fier trupi i pajetë i Dritan Lalaj
15 Nëntor, 18:00
-
Lufta në Ukrainë/ Scholz bisedë telefonike me Putin pas dy viteve: Tërhiqni trupat dhe të negociojmë! Zelensky: Biseda hap kutinë e Pandorës, minon përpjekjet
15 Nëntor, 16:31 -
Dështimi i koalicionit qeverisës në Gjermani, Scholz: Do të kërkoj votëbesim në dhjetor
13 Nëntor, 19:02 -
Zgjedhjet e reja dhe votëbesimi, Scholz del sot para Bundestagut
13 Nëntor, 09:17 -
Panik në ajër! Turbulencat e forta godasin avionin ‘Lufthansa’ gjatë fluturimit nga Buenos Aires në Frankfurt, 11 të plagosur
12 Nëntor, 17:33 -
Gjermani: Qeveria e paralizuar rrezikon ekonominë e vendit
11 Nëntor, 08:06 -
Analiza: Kthimi i Trump është një lajm i tmerrshëm për Ukrainën
10 Nëntor, 15:40
-
‘Prishja e koalicionit në Berlin erdhi si shok për gjermanët’, kur do të zhvillohen zgjedhjet e parakohshme?
10 Nëntor, 14:08
