Forcat e Armatosura të Shqipërisë dhe Forcat e Sigurisë së Kosovës kanë kryer së bashku stërvitjen që njihet si më e vështira botërisht, 'Cambrian Patrol'.

Këtë e bëri të ditur edhe kryeministri Rama, i cili postoi fotografi nga stërvitja në Facebook, krahas të cilave shkroi se trupat shqiptare do të garojnë në Mbretërinë e bashkuar,

“Momente nga përgatitja e trupave elitë të Forcave të Armatosura të Shqipërisë dhe Forcës së Sigurisë së Kosovës, për stërvitjen marshuese më të vështirë në botë, Cambrian Patrol, ku të dyja trupat shqiptare do të garojnë në Malet e Uellsit, në Mbretërinë e Bashkuar, mes 160 skuadrave nga 30 vende të botës, duke marshuar për 48 orë me 45 kg pajime në një terren tejet të thepisur”, shkroi Rama.

Stërvitja Cambrian Patrol organizohet dhe drejtohet nga  Brigada e Shtabit të 160-të (Uells) , me qendër në Brecon, mbahet çdo vit që nga viti 1959 dhe respektohet nga partnerët ushtarakë në mbarë botën si testi më i ashpër i patrullimit të NATO-s. Trupat ushtarake duhet të luftojnë me përgatitjen dhe të ndjekin një rrugë të caktuar, përgjatë së cilës duhet të lundrojnë, ditë e natë, dhe të merren me një sërë provash: këto përfshijnë skenarët e evakuimit të viktimave, trajtimin e provave të mjeteve shpërthyese të improvizuara, mbledhjen e informacioneve, kërkimin e masave mbrojtëse kundër kërcënimeve kimike, biologjike, radiologjike dhe bërthamore, një kalim ujor, zbulim nga afër objektivave dhe të tjera.

Misioni dy-ditor i patrullimit është 37 milje me mendje dhe muskuj, duke mbajtur dhe pajisje të plota personale. Në përfundim të stërvitjes, çdo patrullë përballet me një seancë gjithëpërfshirëse informuese. Në varësi të mënyrës se si janë përballur me të gjitha ato sfida, atyre u jepen pikë, për të cilat ose do të fitojnë medaljen e artë, një argjend, bronz ose një certifikate.