Reformimi i anëtarësisë së Mbretërisë së Bashkuar në Bashkimin Evropian nuk është një mision i pamundur.  Kjo është deklarata që pritet të japë, sot David Cameron ndërkohë që do të  paraqesë dhe listën e kërkesave, bën me dije BBC.

Letra e presidentit të Këshillit Evropian do të hapë rrugën për bisedime të detajuara midis liderëve të BE-së. Cameron  është angazhuar për të arritur një marrëveshje më të mirë  me liderët e BE-së përpara referendumit i parashikuar nga fundi i vitit 2017, por që mund të mbahet dhe në vitin 2016.

Sipas BBC, që publikon pjesë të fjalimit të tij, Cameron do të fokusohet në 4 pika që përbëjnë thelbin e rinegocimit: 

1.mbrojtja e tregut britanik dhe vendeve të tjera jashtë zonës së euros;

2. nxitja e konkurrencës; 

 3.çlirimi i Britanisë nga detyrimi “për një union më të bashkuar” dhe mbështetja e parlamenteve kombëtare

4.kufizimin e përfitimeve në tregun e punës për emigrantët.

Ndërkohë që ministri i Europës, David Lidington tha se qeveria shpreson të arrijë marrëveshje përpara dhjetorit, kur do të mbahet edhe samiti kryesor i liderëve të BE.

Cameron u shpreh se ai dëshiron që Britania të qëndrojë  e reformuar në BE, por ai nuk e ka përjashtuar mundësinë e largimit nëse ai nuk siguron ndryshimin që ai dëshiron së bashku me liderët e 27 vendeve të BE-së.

Redaksia online
(shqiptarja.com)