POP 5

Lajmet më të lexuara të 5 minutave të fundit

Kronikë

Cannon: Gjyqtarët me orë dhe 
makina luksi tradhtuan drejtësinë

Ambasadorët kritikojnë sërish sistemin e drejtësisë, ku në qendër të akuzave kanë qenë gjykatësit. Diplomati britanik Nicholas Cannon deklaroi se mjafton të shikosh orët dhe makinat luksoze të gjyqtarëve për të kuptuar se ata kanë tradhtuar drejtësinë dhe besimin e qytetarëve.  VIDEO
TIRANË - Ambasadorët e akredituar në vendin tonë shigjetojnë sistemin e drejtësisë, si një faktor pengues për integrimin e Shqipërinë në Bashkimin Evropian. Më i drejtpërdrejtë ka qenë ambasadori britanik Nicholas Cannon, i cili referuar korrupsionit në drejtësi, u ndal tek orët dhe makinat luksoze të gjyqtarëve në vendin tonë.

“Me shumë tundime në shoqëri si nepotizmi dhe korrupsion shumë gjyqtarë në Shqipëri kanë rënë pre e këtyre tundimeve. Makinat dhe orët e tyre të shtrenjta tregojnë hapur se si ato kanë tradhtuar detyrën e tyre. Gjyqtari i vërtetë i shërben njerëzve dhe nuk është mbi njerëzit e tjerë apo mbi ligjin”, tha Cannon.

Për prezencën e OSBE-së, bërja e reformës nuk duhet të shqetësojë askënd por e rëndësishme për ambasadorin Robert Wilton është cilësia e reformës se sa koha kur bëhet, pasi është një reformë e cila do të çojë pas hekurave të korruptuarit.

“Reforma në drejtësi po merr formën në detaj. Vlerësimi i gjyqtarëve do të tregojë nëse ata do shkojnë apo të humbasin karrierën dhe reputacion disa prej tyre duhet të shkojnë në burg”, tha Wilton.

Duke ju referuar kapitujve të negociatave Shqipëri-BE, ambasadorja e Bashkimit Europian Romana Vlahutin sqaroi se plotësimi i detyrimeve që lindin nga kapitujt 23-24 që i përkasin sistemit të drejtësisë mund të sjell integrimin e Shqipërisë në Union.

“Respektimi i ligjit është i panegocueshëm dhe nuk ka kompromise. Kur Shqipëria të nisë aplikimin për tu pranuar në bashkëpunimin evropian kapitujt e parë që do të hapen do të jenë kapitujt 23 dhe 24 por të fundit që do të mbyllen pasi i përkasin drejtësisë”, - u shpreh Vlahutin.

Të domosdoshme reformën e cilësoi dhe ministri i Drejtësisë Nasip Naço.

“Reformat tona në sistemin e drejtësisë do të flasin vetëm në gjuhën e Brukselit”, tha ministri.

Këto deklarata u bënë gjatë aktivitetit të diplomimit të 9 gjyqtarëve magjistrat të cilët u diplomuan me përfundimin e studimeve në vitin akademik 2014-2015, ndërsa tashmë pritet që ata të emërohen nga Këshilli i Lartë i Drejtësisë për të shërbyer në gjykatat e vendit.


ambasadoret diplomim magjistrat

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49