Çarmatimi, Sterkaj: T'u jepet një
laptop atyre që dorëzojnë armët

Gjatë diskutimit të projektligjit për dorëzimin e armëve që u shty deri në fund te vitit, deputeti i PS, Sterkaj ka bërë një propozim për të stimuluar dorëzimin.
 
"Propozoj që ata që dorëzojnë armët t'u jepet një stimul, për shembull një laptop, ose dicka tjetër' u shpreh ai në komision.
 
Ndërsa ka shtuar se të gjithë deputetët gjate takimeve për fushatën, të përsërisin kërkesën për qytetarët që të dorëzojnë armët.
 
Shtyhet afati i dorëzimit të armëve
Komisioni i Sigurisë ka miratuar projektligjin që parashikon shtyrjen e afatit për dorëzimin e armëve deri në fund të vitit.
 
Afati zgjatet deri në 31 dhjetor të këtij viti me kërkesë të 9 deputetëve të Komisionit të Sigurisë Kombëtare.
 
Spartak Braho, Ylli Shehu, Flamur Çelaj, Pirro Lutaj, Arben Çuko, Xhemal Qefalia, Pjerin Nderu, Paulin Stërkaj dhe Anduel Xhindi firmosën një projektligj për ndryshimin e ligjit të amnistisë me qëllim zgjatjen e afatit.


dy.b/shqiptarja.com