Çështja e logove në fletëvotime
nuk është biseduar në Bruksel
Draft marrëveshja për çështjen e telekomit mes palës së Kosovës dhe Serbisë, parashikon shuarjen e gjithë operatorëve ilegalë të Serbisë, si dhe mosndërhyrjen e Serbisë në brezin e frekuencave të Kosovës. (Foto: Edita Tahiri)
PRISHTINE- Draft marrëveshja për çështjen e telekomit mes palës së Kosovës dhe Serbisë, parashikon shuarjen e gjithë operatorëve ilegalë të Serbisë, si dhe mosndërhyrjen e Serbisë në brezin e frekuencave të Kosovës. Ndonëse me këtë marrëveshje, ende nuk është pajtuar pala serbe, kryenegociatorja kosovare, EditaTahiri, ka shfaqur shpresën që një gjë e tillë do të ndodhë shumë shpejt, pasi që, siç thotë ajo, janë disa afate që duhet t’i përmbahet edhe Serbia.
Tahiri në një intervistë për Kosovapress, ka deklaruar se çështja e logove në fletëvotime, nuk është diskutuar fare në takimet në Bruksel dhe duke hedhur çdo mundësi që fletëvotimet në veri të mos përmbajnë logo të shtetit të Kosovës.
“Në kuadër të bisedimeve për çështjen e marrëveshjes, bisedat për zgjedhjet lokale kanë qenë pjesë e axhendës dhe ato kryesisht janë fokusuar në rolin lehtësues të OSBE-së, në veçanti në katër komunat veriore të cilat përherë të parë pritet të marrin pjesë në zgjedhje lokale të vendit tonë. Dhe po ashtu është biseduar për angazhimet politike të gjitha palëve edhe Kosovës edhe Serbisë dhe Bashkimit Europian për një pjesëmarrje sa më të madhe edhe të qytetarëve serb të asaj pjese të vendit tonë, në mënyrë që të shfrytëzojnë mundësinë për të zgjedhur përfaqësuesit legjitim në qeverisjet komunale. Çështja e kërkesave siç po e përmendni ju nuk ka pasur në kuptimin zyrtar dhe më tepër jam duke i dëgjuar medialisht”, ka thënë ajo.
Sipas saj, Marrëveshja për normalizim dhe plani për zbatim në pikën 11 flet qartë që zgjedhjet në Kosovë do të mbahen me ligjet e Kosovës. “Ju e keni tashmë marrëveshja është publike, mund të shihni qartë se flitet për zgjedhje në bazë të ligjeve të Kosovës. Çdo gjë që ligjet e Kosovës e përcaktojnë ai është së pari obligimi i ynë dhe linja e zbatimit të marrëveshjeve”, ka theksuar Tahiri.
Sipas saj, ekzekutiv në fushën e zgjedhjeve është Komisioni Qendror Zgjedhor. Tahiri ka theksuar se ky është organi kompetent për organizimin e zgjedhjeve në Kosovë dhe certifikimin e rezultateve, si dhe certifikimin e subjekteve apo iniciativave qytetare që dëshirojnë të marrin pjesë në zgjedhje.
Ditë më parë, kryenegociatorja Tahiri deklaroi se në bazë të dinamikës së bisedimeve që janë duke u zhvilluar, parashikohet që deri më 30 shtator të shuhen të gjitha strukturat ilegale të sigurisë në veri të vendit.
Por, ajo shpreh besimin që në këtë datë do të përfundojë edhe logjika e barrikadave në pjesën veriore të vendit.
Marrë nga "RTK"
Redaksia Online
(e.s/shqiptarja.com)
Sondazhi i ditës:
Skandali tek Onkologjiku, e kujt është përgjëgjesia?
-
Mjekëve
38.3%
-
Ministrisë
59%
-
Nuk e di
2.7%
Vota total: 2130
Votat totale janë unike
Lajme të tjera
-
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59
-
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51
-
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45
-
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56
-
Celibashi diskuton me përfaqësues të ODIHR për auditimin e teknologjive në zgjedhje: Vendosëm piketat për bashkëpunim të ngushtë teknik
13 Prill, 19:27
-
Prezenca e OSBE-së organizon vizitë në Suedi për gazetarët shqiptarë, për të përmirësuar raportimin për çështjet e sigurisë
13 Prill, 14:03
-
Ambasadorët e QUINT-it në OSBE vizitë në Shqipëri: Përmbushni rekomandimet e ODIHR për reformën zgjedhore
19 Mars, 17:52
-
Gjiknuri dhe Alibeaj takohen me përfaqësuesit e ODIHR-it, dakordësim për mënyrën e hartimit të drafteve ligjore për ndryshime në Kodin Zgjedhor
4 Mars, 17:30
-
OSBE trajnon qentë…
2 Mars, 18:06
-
Celibashi takon kryetaren e misionit të OSBE-së: Zhvilluan një bisedë të thelluar mbi Reformën Zgjedhore në Shqipëri
16 Shkurt, 15:34
-
Sot Dita Ndërkombëtare Përkujtimore e Holokaustit, ish-ambasadori i OSBE: Si i shpëtuan shqiptarët hebrenjtë nga nazistët
27 Janar, 08:59
-
Një ditë para mbledhjes së komisionit për 'Zgjedhoren', OSBE apel deputetëve: Kontribuoni për një proces parlamentar funksional
18 Janar, 16:50