Çdekretimi i 30 qershorit, Meta: Doja të evitoja vrasjet si në 21 janar

Presidenti Ilir Meta është rikthyer tek vendimi i tij për anulimin e zgjedhjeve të 30 qershorit, sipas së cilit mori një vendim të tillë për të parandaluar një përplasje të mundshme civile, e cila sipas tij, mund të përshkallëzohej dhe të përsëritej një 21 janar të dytë.

"Nuk do ndalojë Komisionin e Venecias që të çmendet, jam i gatshëm t'i nënshtrohem çdo kontrolli mjekësor nëse mendoni se përdor doping. Unë jam shumë i qartë, Kushtetuta e Shqipërisë të drejtën ia jep Presidentit dhe askujt tjetër. Anulimi i zgjedhjeve nuk është një akt normal, se u konsultua presidenti me Partitë, por nga nëntori deri në 10 qershor, ju  dini që nuk ka qenë një situatë normale. Konfrontimi u evitua. Nuk do të kishte sot një vendim apo një shpresë se mund të merret një autorizim se do të merreshe një vendim për çeljen e negociatave. U detyrova që të zhdekretoja. E zhdekretova 30 qershorin për të parandaluar një përplasje të mundshme, që mund të përshkallëzohej më tej. Sepse në Shqipëri janë vrarë, duke filluar 2 prill i 1991 deri në 21 janar. Zgjedhjet kanë qenë antikushtetuese, të paligjshme se asnjë gjykatë nuk ke ka rrëzuar dekretin e presidentit. Gjykata Kushtetuese mund të caktojë nëse kam bërë shkelje ose jo, por nuk vendos për legjitimitetin e zgjedhjeve të 30 qershorit", tha Meta.

Lajmi kryesor:

Çelja e negociatave/ Meta: Shqipëria nuk i ka bërë 'detyrat e shtëpisë', nuk zgjidhet çdo gjë me lobingje

B.K.//Shqiptarja.com

TAG:
• BE
• Ilir Meta
• zgjedhjet ne kosove