Çdo e keqe e ka një të mirë! Kjo është edhe domethënia e këtyre fotove të cilat tregojnë nivelin e ndotjes në kryeqytet para dhe pas koronavirusit, pandemisë që detyroi qeverinë të merrte masa ekstreme të kufizimit të lirisë, kryesisht të qëndrimit në shtëpi dhe lëvizjes me autorizime.

Reduktimi thelbësor i aktiviteteve prodhuese, por edhe i lëvizjes së lirë të makinave ka bërë që në Tiranë të ndryshojë rrënjësisht niveli i ndotjes. Sot dhe disa ditë më parë, Tirana nga lart duket sikur të mos ketë pasur asnjë lëvizje. Niveli i ndotjes është thuajse zero.