POP 5

Lajmet më të lexuara të 5 minutave të fundit

Kultura

Java Austriake, 43 aktivitete edhe përtej Tiranës! Nis me muzikë e ekspozitë, historiani Pichler sjell të fotografuara 'Kioskat' në 5 vjet: Kjo arkitekturë pasojë e diktaturës

U çel mbrëmjen e së hënës java austriake. Krahas muzikës, publiku mundi të shijojë edhe ekspozitën “Kioska” të fotografit Pichler. Me gjithsej 43 aktivitete në Tiranë, Durrës, Vlorë e Shkodër, java mbyllet në 23 tetor.

Simbolet e Austrisë dhe Shqipërisë janë një formë më shumë për të celebruar mikpritjen e miqësinë mes dy vendeve.

Indie-rock nga Austria e muzikë bashkëkohore austro -shqiptare nga DJ Jane Amer, Java Kulturore Austriake u çel mbrëmjen e së hënës në ambientet  e Tulla Center.

"Në një kohë që po avancon rruga e Shqipërisë drejt Bashkimit Evropian, më duket e vështirë që situata të përparojë bazuar vetëm në kontakte në nivele zyrtare, por duhet edhe shkëmbimi mes shoqërisë civile. Në vitin 2018 ne patëm një sërë  aktivitetesh kulturore, e tani nisim me Javën Kulturore Austriake", thotë Ambasadori i Austrisë Christian Steiner.


"Ka një fije që lidh të gjitha eventet, që është dëshira për të rigjetur njëri-tjetrin, ku arti e kultura ndihmojnë, në këtë rast edhe përmes Javëve Kulturore që organizon Ministria e Kulturës", thotë Ministrja e Kulturës Elva Margariti. 

Ekspozita “Kioska” mban firmën e fotografit e historianit Robert Pichler. Një projekt që zuri fill krejt rastësisht gjatë një udhëtimi të tij në Gjirin e Lalëzit në vitin 2011. I dedikohet arkitekturës së improvizuar me idenë e  përkohësisë. Pasojë kjo sipas Pichler e kalimit nga shteti mbikëqyrës komunist në një ekonomi tregu të shfrenuar.

"Për mua ideja për të studiuar historinë shqiptare nga periudha Osmane në atë të Diktaturës, është tepër e lidhur me përkohësinë, si pasojë dramatike e ndryshimeve të sistemeve, dhe kjo është ideja që qëndron pas ekspozitës", thotë historiani e antropologu Robert Pichler. 

Java Kulturore Austriake përfshin 43 aktivitete nga fusha të ndryshme, të shtrira edhe në Vlorë Durrës e Shkodër dhe zgjat deri në 23 tetor.

SI.E.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03